Madaxweynaha cusub ee Barcelona ayaa diyaar u ah inuu sameeyo isbadal xagjir ah wuxuuna ku bilaabayaa go’aanka tababaraha ee uu ku yiri Ronald Koeman.
Barcelona, oo laga reebay Champions League 16-aadkii Paris Saint-Germain, ayaa ku jirta kaalinta labaad ee La Liga, iyadoo shan dhibcood ka hooseysa kooxda hoggaanka haysa ee Atletico Madrid.
Tababare Ronald Koemann, oo xagaagan loo magacaabay, ayaa wali fursad u haysta inuu kula guuleysto La Liga iyo Copa del Rey kooxda Athletic Bilbao ee finalka.
Sikastaba, madaxweynaha cusub ee la doortay usbuucii la soo dhaafay Joan Laporta ayaa lagu wadaa in uu shaqada ka cayriyo Ronald Koeman isla markaana uu magacaabo badalkiisa.
Sida laga soo xigtay Cadena Ser, Laporta wuxuu abuurayaa mashruuc cusub oo hogaamineed oo dib loogu dhisayo kooxda isla markaana loogu soo celinayo heerkii ay joogeen intii uu madaxweynaha ahaa.
Cadena Ser ayaa sheegtay in tababaraha RB Leipzig Julian Nagelsmann uu noqon doono tababaraha cusub ee Barcelona, halkaasoo Laporta ay ka shaqeyneyso inay ka dhaadhiciso inuu yimaado Camp Nou ka hor inta aan laga ceyrin Koeman.
Warku wuxuu intaa ku daray in Joan Laporta uu rumeysan yahay in Ronald Koeman uu xiriir dhow la leeyahay madaxweynihii hore Josep Maria Bartomeu, sidaas darteed talaabada ugu horeysa ee uu qaadi doono xagaagan waxay noqon doontaa inuu shaqada ka cayriyo tababaraha.
Saxafiga reer Spain Manu Carreno ayaa sidoo kale shaaca ka qaaday xiriirka Barcelona iyo Julian Nagelsmann wuxuuna yidhi: “Laporta wuu ixtiraamayaa Koeman laakiin ma hogaamin doono mashruuca cusub mana noqon doono tababaraha kooxda xilli ciyaareedka dambe, laakiin Laporta ayaa doonaya tababare cusub liiskiisa ayaa ah Julian Nagelsmann. “
Sikastaba, qandaraaska Ronald Koeman ee kooxda Barcelona xagaagii lasoo dhaafay wuxuu ahaa labo sano ilaa dhamaadka xilli ciyaareedka soo socda.
