Isku aadka wareega guruubyada ee Champions League ayaa goor dhaw lagu qabtay magaalada Nyon ee dalka Switzerland.
- Advertisement -
Ciyaarta ugu adag ee 16-jirada ka tirsan Champions League ayaa ah Barcelona oo la ciyaareysa kooxdii xilli ciyaareedkii hore soo gaartay finalka Paris Saint-Germain.
Neymar ayaa markale la kulmay kooxdiisii hore ee Barcelona.
Waxay ahayd kulankii labaad ee dhexmara kooxaha Barcelona iyo Paris Saint-Germain ee Champions League 16 sano kadib xilli ciyaareedkii 2016-17, markii Barca ay ku guuleysatay soo laabashadii ugu weyneyd iyadoo 6-1 ay ku badisay Camp Nou wareega koowaad ee Paris 4-0 looga badiyay.
Kooxda difaacaneysa koobka ee Bayern Munich ayaa isku aaday kooxda reer Talyaani ee SS Lazio.
Mid ka mid ah kulamada ugu waa weyn ee 16 jirkaan ayaa ah Chelsea oo ay la ciyaareyso Atletico Madrid, labada koox ayaa ku kulmay todobo jeer tartamada yurub, halkaasoo koox walba ay badisay labo jeer seddexna dhalisay Blues ayaan laga badinin markii ugu danbeysay ee ay la kulmaan Atletico wareega group-yada Champions League 2017-18, iyagoo badiyay midna barbaro.
Liverpool ayaa wajihi doonta kooxda reer Jarmal ee RB Leipzig oo garaacday Manchester United wareega group-yada.
Real Madrid ayaa martigelin doonta kooxda reer Talyaani ee Atalanta.
Marxaladda koowaad ee Champions League siddeedaad 16 waxaa la ciyaari doonaa 16 iyo 17 Febraayo 2021, halka kulanka soo laabashada la ciyaari doono 9 iyo 10 Maarso 2021.
DHAGEYSO sawir:
Atalanta vs Real Madrid
Sevilla vs Borussia Dortmund
Barcelona vs Paris Saint-Germain
FC Porto vs Juventus
RB Leipzig vs Liverpool
Atletico Madrid vs Chelsea
SS Lazio vs Bayern Munich
Borussia Monchengladbach vs Manchester City
