Jose Mourinho oo shaqada Tottenham laga caydhiyay Isniintii ayaa kamid ah tababarayaasha u sharaxan jagada macalinimo ee Celtic. (Sun)
Valencia ayaa sidoo kale lala xidhiidhinayay tababaraha ree Portugal iyadoo mulkiilaha kooxdaas ee Peter Lim uu diyaar u yahay inuu caydhiyo macalinka hadda ee Javi Garcia. (Todofichajes – in Spanish)
Dhinaca kale tababaraha Leicester City ee Brendan Rodgers ayaa iska foggeeyay shaqada ka banaan Tottenham. (Talksport)
Tottenham gudoomiyaheeda Daniel Levy ayaa ka werwer qabay in qiyaastii 10 xiddig ay kooxda iskaga tagi doonaan haddii uusan Jose Mourinho caydhin, Levy ayaa wer-werka ugu badan ka qabay Harry Kane, Delle Ali iyo Gareth Bale (Eurosport)
Barcelona ayaa heshiis laba sano ah u bandhigtay 32 sano jirka Sergio Aguero kaas oo bilaash lagu heli karo marka heshiiskiisa Etihad Stadium dhaco dhammaadka xilli ciyaareedkan. (TyC Sports – in Spanish)
Aston Villa ayaa xagaaga u dhaqaaqi karta saxeexa Jesse Lingard, 28 sano jirkaas ayay sidoo kale West Ham United oo uu tan iyo bishii January amaah kula joogay heshiis rasmi ah ku doonaysaa. (Football Insider)
Liverpool ayaa lacag 10 Milyan oo euro ah ka doonaysa dhigeeda Porto haddiiba ay rasmi uga iibinayso khadka dhexe ee amaahda kaga maqan ee Marko Gurjic (A Bole – in Portuguese)
Daafaca Bayern Munich iyo xulka Austria ee David Alaba ayaa heshiis shan sano ah qalinka ugu duugay Real Madrid oo uu xagaaga u wareegayo (Sky Sport Germany – in German)
Marseille 24 sano jirkeeda daafaca ah ee ree Croatia ee Duje Caleta-Car ayaa rajaynaya in Liverpool ay dib usoo noolayn doonto xiisihii ay u qabtay xilli ay kooxdiisu hadda u furantahay inay iibiso. (RMC Sport, via Team Talk
Arsenal ayaa wadahadalo horumar leh kula jirta dhigeeda Brighton iyaga oo doonaya inay heshiiska amaahda ah ee 29 sano jirka goolhayaha ah ee Mat Ryan ka dhigaan mid rasmi ah. (Football Insider)
Paris St-Germain weeraryahankeeda Kylian Mbappe oo 22 sano jir ah ayaa bilaabay inuu guri ka raadsado magaalada Madrid, Mbappe ayaan wali heshiis cusub la meel dhigin PSG isla markaana xagaaga lala xidhiidhinayaa Real Madrid (Goal)
Tottenham ayaa doonaysa inay Julian Nagelsmann ka dhigto tababaraha cusub ee Jose Mourinho dhaxlaya, sidoo kale Bayern Munich oo uu Hansi Flick ka tagayo ayaa dhinaceeda aad u doonaysa. (Bild)
