Maamulka gobolka Banaadir ayaa maanta la wareegay sheybaar lagu hubinayo tayada qalabka loo isticmaalo dhismaha, si loo helo guryo adkaysi badan oo noolaan kara muddo dheer.
Guddoomiyaha gobolka Banaadir ahna duqa magaalada Muqdisho Cumar Maxamuud Maxamed Finish oo la hadlay warbaahinta ayaa sheegay in sheybaarka lagu ogaan doono tayada qalabka loo isticmaalay dhismaha.
“Sheybaadhkani wuxuu ka kooban yahay qaybo kala duwan oo la tijaabinayo, gaar ahaan 11 nooc oo ah qalab iyo qalabka dhismaha sida carrada, daamurka, sibidhka tayada leh, sibidhka, biyaha, cusbada, xoogga iyo qalabka kale ee la isticmaalay.” ayuu yiri Duqa Muqdisho.
Ujeedada sheybaarka ayaa ah in la helo dhismo waqti dheer soconaya oo ay ka faa’iideystaan dadka lacagta badan ku bixiya dhismaha.
Degmooyinka Muqdisho qaarkood, waxaa ku yaal guryo la dhisay sannado badan, waxaana sababta lagu sheegay ay tahay qalabkii loo adeegsaday dhismahooda, maadaama ay muddo dheer hoy u ahaayeen qoysas.
Axadle.
