Xulka Argentina ayaa u soo baxay finalka Copa America iyagoo wajihi doona ciyaarta kama danbeysta ah xulka Brazil.
Argentina waxay barbaro waqtigii caadiga ahaa la gashay xulka Colombia iyadoo 90kii daqiiqo ay ciyaarta ku dhamaatay barbaro 1-1 ah.
Xiddiga Inter Milan Lautaro Martinez ayaa hogaanka u dhiibay xulka Argentina laakiin waxaa kansalay gool barbaro ah uu Colombia u saxiixay Luis Diaz.
Kulanka semi-finalka ah ayaa ka dib la isla aaday rigoore iyadoo goolhaye Emiliano Martinez uu rigoorer ka beeniyay Davinson Sanchez, Yerry Mina iyo Edwin Cardona isagoo xulkiisa u soo saaray ciyaarta finalka.
Messi, Leandro Paredes iyo Lautaro Martinez ayaa dhamaantood shabaqa u soo taabtay Argentian halka Cuadrado iyo Miguel Borja ay ahaayeen kuwa kaliya ee rigoorada u dhaliyay Colombia.
Argentina ayaa ku badisay rigoore 3-2 ah iyadoo xulka tababare Lionel Scaloni ay ciyaarta finalka garoonka caanka ah ee Maracana Stadium kula ciyaari doonaan xulka martigeliyayaasha ee Brazil habeenka Sabtida.
Colombia ayaa dhanka kale waxay kulan kaalinta seddexaad ah la dheeli doontaa xulka Peru habeenka Jimcaha.
