Czech Republic iyo Denmark ayaa ku ballansan magaalada Baku oo ay foodda isku darayaan kulan ka tirsan wareegga siddeedda tartanka qaramada Yurub, waxaanu midkood u gudbi doonaa semi-finalka oo uu ku sugi doono England iyo Ukraine midkooda soo adkaada.
Czech Republic ayaa wareeggii 16ka soo garaacday dalka awoodda badan ee Netherlands, halka Denmark oo wareegii group-yada ku dhibaatooday markii uu wadne xanuunku kusoo booday Christian Eriksen, isla markaana hal guul oo kaliya oo ay ka heshay kulankii ugu dambeeyey kusoo gudubtay ayaa waxay wareeggii 16ka kaga takhalustay Wales oo ay u awood sheegatay.
Tababaraha xulka qaranka Czech Republic ee Jaroslav Silhavy ayaa waxa uu kusoo bilaabay xiddiga afarta gool dhaliyey ee Schick, waxaana caawinaya Servik iyo Barak.
Denmark ayaa waxa iyagana safkooda hoggaaminaya Dolberg, Braithwaite iyo Damsgaard.
Shaxaha rasmiga ah ee labada waddan:
DENMARK XI: Schmeichel, Christensen, Kjaer, Vestergaard, Stryger Larsen, Hojbjerg, Delaney, Maehle, Braithwaite, Dolberg, Damsgaard.
Kaydka: Andersen, Skov, Skov Olsen, Mathias Zanka Jorgensen, Norgaard, Lossl, Wass, Wind, Poulsen, Cornelius, Ronnow, Jensen.
CZECH REPUBLIC XI: Vaclik, Coufal, Celustka, Kalas, Boril, Holes, Soucek, Masopust, Barak, Sevcik, Schick.
Kaydka: Kaderabek, Brabec, Darida, Krmencik, Jankto, Mandous, Zima, Vydra, Kral, Koubek, Pekhart, Pesek.
