AC Milan ayaa weyn doonta lix xiddig oo muhiim u ah kulanka habeen dambe ee Europa League ee ay la ciyaarayaan kooxda Man United.
Milan ayaa u safreysa Old Trafford lugta hore ee wareega 16ka ee Europa League, laakiin waxaa ka maqnaan doona weeraryahanka reer Sweden Zlatan Ibrahimovic, kaasoo sidoo kale seegi doona kulamo muhiim ah.
Ibra ayaa dhaawac ka soo gaadhay muruqa laba todobaad ka hor waxayna kooxdiisu sheegtay in aanu waqti u hayn kulankan isla markaana aanu awoodi doonin inuu ka hor yimaado kooxdiisii hore.
AC Milan ayaa sidoo kale waxaa ka maqan daaficii hore ee Real Madrid Theo Hernandez iyo ciyaaryahanka khadka dhexe ee saameynta badan leh Ismael Bennacer, kaasoo horay loola xiriirinayay inuu u dhaqaaqayo Manchester City, waxaana ay labaduba la maqan yihiin dhaawacyo.
Liiska waxaa sidoo kale ku jira Mario Manduzukic, Hakan Calhanoglu iyo Ante Rebic, taasoo la micno ah in xiddigii hore ee khadka dhexe ee AC Milan sidoo kale uu maqan yahay.
Weeraryahanka reer Portugal Rafael Leo iyo 20 jirka Riccardo Tonin ayaa ah labada weeraryahan ee kaliya ee AC Milan heysato.
Kooxda reer Talyaani waxay rajeyneysay inay soo ceshato qaar ka mid ah ciyaartoyda dhaawacan, laakiin waqtiga ayaa dhamaaday, waxaana taas kasii daran, ku laabashada San Siro waxay noqon doontaa isbuuca soo socda, taasoo la micno ah in ciyaartoydu garoomada ka maqnaan doonaan. Qaarkood ma heli doonaan fursad.
Milan oo kaalinta labaad uga jirta Serie A, oo todobaadyadii u danbeysay u dhacday heerka labaad kadib muddo dheer oo ay gacanta ku haysay, ayaa waxaa hareeyay dhaawacyo.
Liiska ciyaartoyda AC Milan oo dhameystiran:
G Donnarumma, A Donnarumma, Tatarusanu; Calabria, Dalot, Gabbia, Kalulu, Kjaer, Romanogli, Tomori; Castillejo, Diaz, Kessie, Krunic, Meite, Tonali, Saelemaekers; Leao, Tonin.
