WAR DEG DEG AH: Juventus ayaa 3-0 kaga badisay Napoli
Napoli ayaa ku guuleysatay racfaankii ay ka qaadatay guuldaradii ka soo gaartay Juventus, sidaas darteed ciyaarta dib ayaa loo ciyaari doonaa halka ganaaxa dhibcaha laga qaaday.
Ciyaarta ayaa loo balansanaa 4-ta bisha Oktoobar, ciyaartooyda Napoli ayaana soo gali karin garoonka maxaa yeelay uma safrin Turin.
- Advertisement -
Napoli ayaa lagu ciqaabay guuldarro 3-0 ah sidoo kale hal dhibic ayaa laga jaray ka qeybgal la’aan kulan loo qorsheeyay.
Napoli ayaa sheeganeysa in ASL ay ku amartay inaysan safrin maxaa yeelay waxaa la helay waqtigaas labo ka mid ah ciyaartoydooda oo kala ah Piotr Zielinski iyo Eljif Elmas.
Ciyaarta ayaa imaaneysa maalmo kadib ciyaartii Napoli ee Genoa halkaas oo laga helay daraasiin kiisas ah viruska Korona.
Si kastaba ha noqotee, maamulka Serie A iyo Xiriirka Kubadda Cagta ee Talyaanigu waxay go’aamiyeen in Napoli aysan u hoggaansamin sharcigii lagu heshiiyay ee Korona Fayras isla markaana aysan qaadin tallaabooyin ay ku xaqiijineyso ka qeybgalkooda.
Napoli ayaa laba jeer oo hore racfaan laga qaatay, laakiin kiiskooda waxaa loo gudbiyay guddiga Olombikada Talyaaniga ee loo soo gaabiyo (CONI) oo iyadu haatan aqbashay racfaankii Napoli.