Zinedine Zidane ayaa muujiyay carada uu ka qabo hadaladii Ronald Koeman ee ku aadanaa waxqabadka garsoorihii kulankii Real Madrid 3-1 kaga badisay Eibar habeenkii axada.
Waxay ahayd daqiiqad muran badan ka dib markii madax ka timid Yoshinori Muto uu xusul ku dhuftay Ramos diilinta ganaaxa isla markaana Koeman uu shirkiisa jaraa’id ku sheegay shalay inay ahayd inay Los Blancos rigoore hesho.
“Aad ayey i dhibtay aniga maxaa yeelay waligey ma dhibin garsoorayaasha,” Zidane ayaa laga soo xigtay Koeman
“Garsoorayaashu waa qeyb ka mid ah ciyaarta. Waxay sameyn karaan qaladaad, ciyaartoy ahaan iyo sida aan dhamaanteen qaladaad ugu sameyn karno nolosheena. Xushmad iyo xushmad buuxda, ma doonayo inaan ku raago hadalka Koeman, maxaa yeelay waxaan diirada saari doonaa kulanka berri ee Granada.”
Real Madrid ayaa la siiyay shan rigoore tan iyo markii ay Barcelona bilowday inay ka cabato go’aanada garsoorayaasha ee ka dhanka ah Los Blancos, marka Zidane miyuu u maleynayaa inay taasi sabab u tahay?
“Waa run, wax badan ayaa la sheegaa marka ay jiraan wax gaar ah oo u dhexeeya Madrid iyo garsoorayaasha, waana mid ay Madrid isku dayayso inay wax ka qabato,” ayuu Zidane sharaxay.
“Waan yara xanaaqsanahay inaan ka hadlo, waxaan xiiseyneynaa kulanka berri, waa inaan diyaar garowno”.
