Muqdisho (Axadle) – Warar lagu kalsoon yahay oo ay heshay Axadle ayaa xaqiijinaya in madaxweynaha waqtigiisu dhammaaday ee Soomaaliya Maxamed Cabdullaahi Farmaajo saddex jeer laga joojiyay safar uu ku tagayay dalalka Eritrea iyo Itoobiya.
Warar soo baxaya ayaa sheegaya in xubno ka socda Beesha Caalamka ay Madaxweyne Farmaajo ku cadaadiyeen inuu baajiyo safar uu ugu anbabixi lahaa dalka dibadiisa inta laga xalinayo doorashooyinka Soomaaliya.
Ilo wareedyo muhiim ah oo ku sugan Villa Somalia, ayaa sheegaya in safarka Farmaajo uu qeyb ka ahaa heshiis amni oo dhex maray Soomaaliya, Itoobiya iyo Eriteriya, laakiin waxaa lagu cadaadiyey inuusan dalka ka bixin illaa laga xaliyo khilaafka doorashada.
Heshiiskan ayaa sidoo kale waxaa shalay ku dhawaaqay ra’iisul wasaarihii hore ee Soomaaliya Cumar C / rashiid Cali Sharma’arke, inkastoo markii dambe ay Villa Soomaaliya beenisay. Laakiin Shabakadda Axadle ayaa warinaysa in warkii Cumar Cabdirashiid uu sax yahay, laakiin beesha caalamka ay cadaadis saartay Farmaajo.
Madaxweyne Shariif wali wuu nool yahay isagoo qeyb ka ah kulamada qorshaynta, isagoo ka gaabinaaya dhibaatada soo socota ee doorashada ee khilaafka udhaxeeya hogaamiyaasha xoogaga siyaasadeed ee ugu waaweyn dalka Soomaaliya.
Ilo wareedyo ku sugan Villa Somalia, oo codsaday inaan la magacaabin, ayaa Axadle u sheegay in madaxweyne Farmaajo uu u sheegay beesha caalamka in shirku muhiim yahay, isla markaana uu doonayo inuu Asmara usbuucii hore la safro madaxda Itoobiya iyo Eritrea. Wuxuu sameeyay laba isku day oo kale usbuucan si uu u gaaro Adisababa, taas oo markale beesha caalamku diiday.
Wakiilada Beesha Caalamka ayaa rumeysan in hadii Madaxweyne Farmaajo baxo, Hogaamiyaasha maamul goboleedyada ay iyaguna ka tagi doonaan magaalada Muqdisho, taasoo wiiqeysa dadaalada lagu doonayo in heshiis doorasho lagu gaaro.
