Muqdisho (Axadle) Dowladaha Xubnaha ka ah Beesha Bariga Afrika (EAC) waxay qaadan doonaan go’aanka ugu dambeeya ee codsi ah inay ku biiraan EAC kana timaaddo Dowladda Federaalka Soomaaliya.
Xoghayaha guud ee ururka, Dr Peter Mathuki, ayaa ku dhawaaqay inay bilaabeen diyaar garowga ku biirista EAC.
Wuxuu kaloo intaas ku daray in dowladdu ay gudbisay shuruudaha looga baahan yahay si ay xubin uga noqoto midowga EA.
“Waxay ahayd codsi, su’aashu waa bilowgii, kadib waxaan gudbiyay shuruudihii la doonayay in la dhameystiro, waa xiriirkii ugu horeeyay ee dhexmara wadamada doonaya inay ku biiraan ururka” ayuu yiri xoghaye Dr. Peter Mathuki.
Wuxuu intaas ku daray: “Waxaan bilownay howshan hadda. Waxaan rajeyneynaa in markii howshu bilaabanto, ay wax walba kala cadaan doonaan marka ay timaado ku biirista dalka.
EAC waxay hadda xubno ku leeyihiin dalal badan oo Bariga Afrika ah, sida Kenya, Rwanda, Burundi, Uganda iyo Tanzania.
