Raysul Wasaaraha XFS Maxamed Xuseen Rooble oo ku sugan Magaalada Baydhabo ayaa kulamo la qaatay Wasiirada maamulkaas, mas’uuliyiin kala duwan & Odoyaasha dhaqanka Koofur Galbeed.
Rooble ayaa xubnaha uu la kulmay kala hadlay doorka ay ka qaadan karaan doorashada Soomaaliya 20/21, maadaama Odoyaasha ay soo dooranayaan Ergada dooraneysa Xildhibannada Golaha Shacabka BFS.
Maxamed Xuseen Rooble Raysul Wasaaraha Soomaaliya ayaa Wasiirada Koofur Galbeed ka codsaday in ay la shaqeeyaan Guddiga Doorashada, isla markaana ay u fududeeyaan waxyaabaha ay u baahdaan si aysan hakad u gelin howlaha Doorasho 20/21.
Hogaamiyaha DG Koofur Galbeed Cabdicasiis Xasan Maxamed Lafta Gareen oo goobjoog ka ahaa fadhiga Wasiiradiisa iyo Raysul Wasaaraha Xukuumadda Soomaaliya Maxamed Xuseen Rooble ee uu ku taageero dalbaday.
Wasiirka Koowaad ee Xukuumadda Soomaaliya Maxamed Xuseen Rooble ayaa inta uu ku sugan yahay Magaalada Baydhabo sii wadaya kulamada xooggooda uu diiradda ku saaraya Doorashada Dalka 20/21.
Axadle.
