Muqdisho (Axadle) – Taliska Milatariga Mareykanka ee Afrika (AFRICOM) ayaa sheegay in caqabada ugu weyn ee hada kajirta Soomaaliya aysan aheyn Al-Shabaab, balse ay tahay kordhinta Madaxweyne Farmaajo iyo baarlamaanka.
“Al-Shabaab ma ahan dhibaatada ugu weyn ee hadda ka jirta Soomaaliya, laakiin waa walaac siyaasadeed oo u dhexeeya dowladda federaalka iyo dowlad goboleedyada.” Warbixinnada Gudiga Guurtida ee Adeegyada Hubka.
Senator Jack Reed, gudoomiyaha guddiga ciidamada qalabka sida, wuxuu kulanka ka yiri: [muddo kororsiga] waxay wiiqeysaa horumarka tooska ah ee dimuqraadiyeynta iyo is-beddelka hay’adaha waxayna khatar gelin kartaa taageerada caalamiga ah. ”
Wasaaradda arrimaha dibedda Mareykanka ayaa horay u diiday muddo kordhinta waxayna ku hanjabtay inay tallaabo ka qaadi doonto kuwa ku lugta leh oo ay ku jiraan cunaqabateynta.
Dhanka kale, Jeneraal Stephen Townsend ayaa aqalka Senate-ka u sheegay in go’aanka maamulka Trump ee ah inuu ciidamadiisa kala baxo Soomaaliya uu abuuray culeys hor leh oo ka dhan ah Al-Shabaab.
“Shaki kuma jiro in bixitaanka ciidamada ee Soomaaliya ay keeneeyso caqabado iyo hanjabaado hor leh,” ayuu yiri Townsend.
Townsend wuxuu sheegay in ciidan yar oo ka kooban ilaa 100 askari ay haatan ku sugan yihiin magaalada Muqdisho, kuwaasoo shaqadooda ay ku xiran tahay safaaradda Mareykanka ee Soomaaliya.
Wuxuu intaas ku daray inuu ku wargelin doono Xoghayaha Difaaca Lloyd Austin mustaqbalka ciidamada Mareykanka ee ku sugan Soomaaliya, maadaama dib u eegis ay socoto, taasoo uu madaxweyne Biden amar ku bixiyay markii uu xilka qabtay.
