Kampala (Axadle) Madaxweynaha waqtigiisa dhamaaday Maxamed C / laahi Maxamed (Farmaajo) ayaa saakay u ambabaxay dalka Uganda, halkaasi oo ay ka ceyriyeen masuuliyiin ka tirsan labada gole ee dowladda.
Farmaajo ayaa ka qeyb galaya caleema-saarka Madaxweynaha Uganda ee dib loo doortay Yoweri Museveni, kadib markii lagu casuumay.
- Advertisement -
Madaxweynaha waxaa safarkiisa ku wehlinaya Wasiirka Qorsheynta, Maalgashiga iyo Horumarinta Dhaqaalaha Jamaal Maxamed Xasan, Marwada Madaxweynaha Seynab Cabdi Macalin, La Taliyaha Madaxweynaha iyo masuuliyiin kale.
Madaxweynaha waqtigiisu sii dhammaanayo inta uu joogo magaalada Kampala wuxuu kulamo duco la qaadan doonaa madaxda dalka Uganda iyo marti sharaf kale oo ka qeyb galaysa xafladda caleema saarka 22-ka May 2021
Bishii Janaayo ee sanadkii 2021 ayay ahayd markii Museveni lagu dhawaaqay inuu ku guuleystay doorashadii guud ee dalka ka dhacday, natiijadaas oo uu qaadacay hogaamiyaha mucaaradka Bobi Wine.
Si kastaba ha noqotee, Madaxweyne Museveni, oo xukunka afgambi kula wareegay 1986, wuxuu xukunka hayey 35 sano wuxuuna ku guuleystay 58.64% codadkii doorashadii guud ee ugu dambaysay 14 Janaayo.
