Giriigga iyo Masar ayaa kala saxiixday heshiis badeed bishii Ogast ee soohdinta xuduudaha badda ee labada dal iyo dejinta aagag dhaqaale oo gaar ah [Yorgos Karahalis / AFP]
Raysul wasaaraha Giriigga Kyriakos Mitsotakis ayaa sheegay inuu rajaynayo in madaxweynaha cusub ee Maraykanka Joe Biden uu door firfircoon ka ciyaaro isku dayga lagu dajiyo xiisadaha sii kordhaya ee bariga Mediterranean.
“Waxaan haysannaa sabab kasta oo aan ku soo dhoweyno, annaga iyo dhammaan la-hawlgalayaashayada gobolka, ku soo noqoshada Mareykanka ee doorkeedii udub-dhexaadka u ahaa hoggaamiye NATO,” ayuu yiri ka dib kulan uu Arnes kula yeeshay Arbacadii Hogaamiyaha Masar Abdel Fattah el- Sisi
Giriigga iyo Masar ayaa khilaaf kala dhexeeyaa Turkiga muran xuduudeed badeed oo ka taagan bariga Mediterranean-ka waxa uu salka ku hayaa xuquuqda raadinta iyo ka faa’iideysiga kaydka gaaska dabiiciga ah. Waxa ay kicisay tilaabadaasi dhaq-dhaqaaq militari oo weyn oo ay sameeyeen Giriigga iyo Turkiga bilihii la soo dhaafay taas oo kurdhisay walaac laga qabo iska horimaad militari.
Midowga Yurub iyo Mareykanka waxa ay labaduba dhaleeceeyeen sii socoshada howlgalada cilmi baarista badaha ee Turkigu samaynayo, halkaas oo Giriiggu rumaysanyahay in ay badihiisa ka mid tahay Turkiguna ku xadgudbayo.
“Waxaan aaminsanahay in Giriigga iyo Masar ay soo dhaweynayaan oo ay lahaan doonaan aragti wanaagsan dhanka go’aan ka qaadashada wax ku biirinta Mareykanka ee dhacdooyinka Bariga Dhexe iyo bariga Mediterranean ee gobolkeena dhibaataysan,” ayuu yiri Mitsotakis.
Michael Carpenter, oo ah lataliyaha arrimaha dibada ee Biden, ayaa sheegay in maamulka cusub uu raadsan karo iskaashi dhow oo uu la yeesho Faransiiska, Jarmalka iyo awoodaha kale ee reer Yurub salka ku haya siyaasada Turkiga iyo madaxweynahooda, Recep Tayyip Erdogan.
“Waxaan u maleynayaa waana ku rajo weynahay in marka madaxweyne Erdogan uu arko aragti midaysan, taasi waxa keenay waa in ay jirto wadashaqeyn, laakiin sidoo kale cawaaqib xumo aad u weyn ayay leedahay in la raaco siyaasad caro badan, markaas ayuu dib uga fakari doonaa” ayuu yiri Carpenter, agaasimaha maamulka ee xarunta Penn Biden ee diblomaasiyadda iyo ka qaybgalka caalamiga ah.
Hadalkan ayuu sheegay Isniintii, isagoo ka hadlaya shir diblomaasiyadeed oo lagu soo qaban qaabiyay dalka Giriigga.
Athens booqasho labo maalmood ah, Al-Sisi wuxuu sidoo kale la kulmay madaxweynaha Giriigga Katerina Sakellaropoulou, halka Wasiirka Arimaha Dibada Masar Sameh Shoukry uu caawa la fadhiisan doono dhigiisa Griiga Nikos Dendias.
Bishii Ogosto, Giriigga iyo Masar waxa ay kala saxiixdeen heshiis badda ah oo kala xadeynaya xuduudaha badda ee labada dal isla markaana dejinaya aagag dhaqaale oo gaar ah labadooda si looga faa’iideysto kheyraadka sida qodista saliidda iyo gaaska.
Heshiiska oo wali qayb ah ayaa ka xanaaqay Turkiga, taas oo ku dhalisay inuu ku eedeeyo Griiga in ay isku dayayaan in ay la wareegaan qayb aan cadaalad ahayn oo ah kheyraadka bariga Mediterranean.
Heshiiska Griiga iyo Masar ayaa si weyn loogu arkaayay inuu jawaab u yahay heshiiskii lagu murmay ee sanadkii hore dabayaaqadiisii ay wada gaareen Turkiga iyo maamulka fadhigiisu yahay Tripoli ee Libya.
Heshiiskaas wuxuu Turkiga siiyay xuquuqaha qoditaanka marinka bariga Mediterranean – inbadan oo kamid ah badda Giriigga ayaa sidoo kale sheegtay. Giriiga, Qubrus iyo jilayaasha kale ee gobolka ayaa cambaareeyay heshiiska Turkiga iyo Liibiya oo uu ku tilmaamay mid “sharci darro ah”,inkastoo cambaarayntaas Turkigu diiday.
Isha: AlJazeera.com
