Muqdisho (Axadle) – Qoyska Gudoomiyihii Degmada Hodan C / xakiim C / raxmaan Ciise (Dhagajuun), oo bishii Janaayo lagu dilay Magaalada Muqdisho, ayaa waxay ku baaqeen cadaalad ka dhan ah masuuliyiinta Dowladda.
Kulan ay ku yeesheen magaalada Muqdisho odayaasha dhaqanka iyo wax garadka beesha Ceyr ee Habargidir ayay ku cadeeyeen in seddex bilood kadib dilkii gudoomiyihii degmada Hodan aan wax cadaalad ah la helin oo dadkii la qabtay qaarkood lasii daayay.
Odoyaasha ayaa sheegay inay la kulmeen madaxweynaha iyo ra’iisul wasaaraha ayna ka codsadeen cadaalad, laakiin kiiskaas lama xalin, maadaama sarkaalka ladilay aysan dilin cid aan ka aheyn labo saldhig booliis iyo dadkii la socday.
Waxay sheegeen in marxuum C / xakiim uu waayey cadaalad, in bulshada la kulantay ayna doonayaan cadaalad deg deg ah, waxayna u direen digniin culus oo ah in si badheedh ah loogu diley fagaaraha isla markaana dilkiisu ahaa shirqool ay soo maleegeen laba taliye saldhig.
Ciidamada amaanka ayaa xabsiga dhigay taliyayaasha booliska ee howlgalka maalinta howlwada, gaashaanle shucayb cabdi maxamuud iyo degmada waaberi, gaashaanle maxamed cabdulqaadir mooshin, waxayna goobta ka xireen 7 sarkaal.
Warbixin ayaa lagu sheegay in guddiga baaraya dilka C / xakiin Dhagajuun uu ahaa mid aan ula kac aheyn wuxuuna ku eedeeyay taliyaha saldhiga Waaberi iyo labo ka mid ah ilaaladiisa in si deg deg ah loo siidaayay, iyagoo sidoo kale ku eedeeyay taliyaha saldhiga Howlwadaag iyo 7 askari oo kale.
Gudiga baaritaanka ee militariga, booliska iyo NISA ayaa abuuray xaalad ka duwan tii hore waxaana shaki laga muujinayaa xaqiiqda dhacdada iyo dilka gudoomiyihii degmada Hodan.
Kiiskan ayaa qeyb ka ah xarig taxane ah oo loo geysanayay saraakiisha dowladda oo aan wali helin cadaalad. Qoyska Marxuum Cabdixakiin Dhegajuun kamaan laga saarin kiiska waxayna soo saareen digniintan.
Xigasho: Goobjooge.net
