Xiddigii hore ee kooxaha Man United iyo Tottenham Dimitar Berbatov ayaa difaacay tababarihii shaqada laga caydhiyay ee Arsenal isaga oo sheegay in uu wali u baahan yahay wakhti halka uu saadaal layaableh ka bixinayo kulanka feedhka ee u dhexeeya kooxaha Chelsea iyo Arsenal.
- Advertisement -
Arsenal ayaa ku jirta kaalinta 15-aad ee kala sarreynta Premier League, iyadoo afar dhibcood ka heshay aagga dib u laabashada, mana aysan guuleysan toddobadii kulan ee ugu dambeysay.
“Arsenal waxaa haysta dhibaatooyin dhab ah laakiin waxaan wali u maleynayaa in Mikel Arteta uu wax walba rogi doono” ayuu yiri Berbatov.
“Toddobaadkii hore waxaan dhahay Arteta wuxuu mudan yahay waqti dheeri ah, laakiin tan iyo waqtigaas waxaa jiray laba guuldaro kale.
“Gunners waxa ay ku dhibtooneysaa garoonka dhexdiisa laakiin wali uma soo bandhigayaan sidii la rabay.
“Arteta waa tababare da’ yar waxaadna oran kartaa nasiib ayuu ku lahaa inuu helo fursad uu ku maamulo Arsenal.
“Pep Guardiola tababarihiisii hore wuxuu leeyahay Arteta lama ceyrin mana doonayo inaan la doodo Pep”.
Xiddigii hore ee Tottenham ayaa intaas ku daray: “Arsenal waxay boodhka ka jabin doontaa maalinta Boxing Day ee aan la ciyaareyno Chelsea.
“Waxaan arkaa natiijo lama filaan ah iyadoo Gunners guuleysatay.
“Hantidooda waa inay isbedeshaa waqti ka dib. Kulankii London Derby, koox ay ku garaaceen finalka FA Cup xilli ciyaareedkii hore ayaa siin kara iyaga kalsoonida ay u baahan yihiin”.
