Barcelona ayaa 4-1 ku garaacday Huesca kulan ka dhacay Camp Nou si ay u soo yareeyaan farqiga u dhexeeya iyaga iyo kooxda hogaanka haysa ee Atletico Madrid kuwaas oo haatan ciyaaray min 27 kulan.
Lionel Messi ayaa dhaliyay labo gool halka Antoine Griezmann iyo Mingueza ay dhaliyeen, iyadoo Barcelona ay sii xajisatay kaalinta labaad iyadoo leh 59 dhibcood, iyadoo afar ka hooseysa kooxda hogaanka heysa ee Atletico halka labo ka sareysa group-ka. Ka saddexaad ee Real Madrid.
Barcelona ayaa ku bilaabatay si fiican markii ay ku bilaabeen weerar aan kala joogsi lahayn Huesca iyaga oo raadinaya goolal.
Barcelona ayaa ciyaarta badashay daqiiqadii 13-aad iyaga oo uu u dhaliyay gool qurux badan oo uu u dhaliyay Lionel Messi kaas oo hogaanka u dhiibay kooxdiisa.
Kooxda Ronald Koeman ayaan halkaas ku joogsan oo sii waday raadinta goolal kale halka Huesca ay difaac ku jirtay.
Daqiiqadii 35-aad ayay kooxda Barcelona hogaanka u sii dheereysatay iyaga oo uu u dhaliyay xiddiga Antoine Griezmann kaas oo ciyaarta ka dhigay 2/0.
Huesca ayaa ku guuleysatay rigoore daqiiqadihii 45aad iyo 4aad markii Rafa Mir uu u beddelay 2-1 isla markaana uu soo nooleeyay rajadiisa.
Qeybtii hore ee ciyaarta ayaa ku soo idlaatay in Barcelona ay gacanta sare laheyd laakiin rajadii Huesca ee ku guuleysiga ciyaarta ayaa luntay.
Barcelona ayaa qaybtii dambe ee ciyaarta ku soo gashay si degan oo ay ciyaarta gacanta ku hayso iyada oo kubad haysasho badan haysata kooxda Huesca ayaa diiday in ay ka hortagto.
Daqiiqadii 53-aad ayuu Oscar Mingueza dhaliyay goolka 3-aad ee ciyaarta isaga oo ciyaarta ka dhigay 3/1 ay Barcelona hogaanka ku hayso.
Tan iyo waqtigaas, Barcelona ayaa gacanta ku heysay ciyaarta, iyadoo umuuqatay inaysan ku deg degeynin inay dhaliso goolal inkasta oo ay abuureen fursado.
Daqiiqadii 89-aad Lionel Messi ayaa dhaliyay goolkii afaraad ee ciyaarta isagoo ciyaarta ka dhigay 4-1.
Ciyaarta ayaa ku soo idlaatay guul muhiim ah oo ay gaartay kooxda Barcelona, taasoo ka dhigtay inay afar dhibcood ka hesho kooxda hogaanka heysa ee Atletico Madrid.
