Weeraryahanka kooxda AC Milan Ante Rebic ayaa laga ganaaxay ciyaar kadib markii uu aflagaadeeyay garsoore: “Hooyadaa waa dhillo”.
Xiddiga heerka caalami ee dalka Croatia ayaa loo gacan galiyay waqtigii dheeriga ahaa ee kulankii ay Napoli 1-0 kaga badisay AC Milan axadii markii uu aflagaadeeyay garsoore Fabrizio Paspua oo qalad uu galay.
Garsooruhu wuxuu tusay kaarka cas ka dib 92 daqiiqo oo uu ku kacay dhaqan aan Sportiga aheyn.Guddiga anshaxa ee xiriirka kubada cagta talyaaniga ayaa hada xukumay in ciyaariyahanka uu yahay dambiile aflagaadeeyay garsooraha.
Weeraryahanka reer Croatia, oo wacdaro ka dhigay Koobkii Adduunka, ayaa u sheegay garsoore Fabrizio Pasqua: “Waxaan ku arkay hooyadaa oo dhilleysi ku ah Naples.”
Rebic ayaa laba kulan laga ganaaxay adeegyadiisa, waana ciyaar muhiim u ah adeegyadiisa maadaama ay haddaba ku jiraan kaalinta labaad, kaliya hal dhibic ayey ka sarreeyaan kooxda kaalinta saddexaad ee Juventus oo kulan baaqi u yahay.
Rebic ayaa ganaax ku maqnaa labadii kulan ee ugu horeysay Serie A, taasoo la micno ah inuu seegi doono kulamada Fiorentina iyo Sampdoria.
Goolhayaha kooxda AC Milan Gianluigi Donnarumma ayaa lagu ganaaxay 10,000 oo Yuuroo kadib markii uu aflagaadeeyay ciyaartoyda kooxda Napoli.
Ma ahan markii ugu horeysay ee Rebic oo 27 jir ah lagu ciqaabo aflagaadeynta garsoorayaasha, waxaana la xasuustaa in xilli ciyaareedkiisii ugu dambeeyay ee Frankfurt 2019 loo saaray casaan ka dib markii uu aflagaadeeyay garsoore intii ay socotay ciyaar ay la ciyaarayeen Strasbourg.
Dabeecadiisa garoonka dhexdiisa, Rebic waa ciyaaryahan naxariis badan wuxuuna 2018 guri u dhisay ilaa 500 oo qoys sabool ah oo ku nool magaaladiisa Donji Vinjani.
