Timo Werner ayaa helay kaarka aqoonsiga ee reer Macedonia ka dib goolkii banaanaa ee uu xalay ka qasaariyay xulka Jarmalka..
Jarmalka ayaa guuldaro 2-1 kala kulantay kooxda kaalinta 65-aad ka gashay qiimeynta aduunka iyadoo Werner uu gool ka qasaariyay daqiiqadii 80-aad wuxuuna ka dhigay 1-1.
Ka dib baas uu ka helay Ilkay Gundogan, gooldhaliyaha Chelsea ayaa muujiyay kalsooni darro markii uu kubada ku wareejiyay shabaq maran.
Shan daqiiqo ka dib markii uu seegay fursadii dahabiga ahayd, Eljif Elmas ayaa ka dhigay guusha kooxda martida ah markii Macedonia ay diiwaan gelisay guul taariikhi ah.
Ceebta ka lumisay fursadda kaliya ma aysan dhaafin Werner, warbaahinta Makedonia waxay sidoo kale ku jees jeesay Werner iyaga oo siinaya kaarka dhalashada dalkaas markii uu caawinayay dalkooda.
Warbaahinta Macedonia ayaa soo saartay kaar ay ku qoran yihiin magaciisa, taariikhda dhalashadiisa, sawirkiisa iyo saxiixiisa waxayna sheegeen inay ku mahadsan yihiin ka caawinta dalkiisa inuu gaaro guushiisii ugu weyneyd abid.
Goolkii uu qasaaray Werner ayaa ahaa mid aad u xun oo xitaa daafaca Macedonia ee Visar Musliu uu aamini kari waayey in xidiga Chelsea uu seegay.
Waxaa la arkay isaga oo madaxa haya sida Werner iyo Ilkay Gundogan.
