Tababaraha Arsenal Mikel Arteta ayaa cadaadis xoogan ku saaran garoonka Emirates ka dib guuldaradii dhawaan ka soo gaartay Everton ee Goodison Park.
Warar cusub ayaa sheegaya in saraakiisha sarsare ee Arsenal ay ku eedeeyeen Arteta kala qeybsanaanta Arsenal ee qolka labiska kooxda. Gunners ayaa ilaa iyo haatan heshay 14 dhibcood 14 kulan oo ay ciyaartay Premier League.
Arsenal ayaa ku bilaabatay qaab ciyaareed adag xilli ciyaareedkan laakiin waxa la filayay in ay guulaysan doonaan kadib markii ay ku kala guulaysteen labada koob ee FA Cup iyo Community Shield.
The Mirror oo dhawaan soo daabacday warbixin cusub oo ku saabsan Arteta iyo xaaladiisa Arsenal, ayaa sheegtay in maamulayaasha ugu sareysa kooxda aan shaqada laga eryi doonin laakiin lasiin doono waqti ay wax ku rogaan.
Laakiin muraayada ayaa intaas ku dareysa in qaar ka mid ah ragga mas’uulka ka ah kooxda ka dhisan Waqooyiga London ay rumeysan yihiin inay qol ku jiraan qolka labiska kooxda.
Inta badan xiddigaha Arsenal ayaa jecel Mikel Arteta inkasta oo ay dhibaato adag kala kulmaan.
Laakiin dhibaatada ayaa ah in Mesut Ozil uu si dadban dab ugu shito qolka labiska, maadaama qaar ka mid ah xiddigaha kooxda ay ka careysan yihiin in Ozil iyo Sokratis laga reebay safka Premier League iyo Europa League.
Inta badan xiddigaha kooxda ayaa sidoo kale la yaaban sababta uu Arteta u bilaabi doono kulan kasta oo uu ciyaarayo Willian Borges kaas oo aan wax ku soo kordhin kooxdiisii bilihii ugu dambeeyay.
