Tababaraha Manchester United Ole Gunnar Solskjaer ayaa war wanaagsan ka helay xerada tababarka kooxdiisa ka hor kulamada muhiimka ah ee UEFA Europa League iyo FA Cup-ka ee maalmaha soo socda.
Paul Pogba, Edinson Cavani iyo Donny Van De Beek waxaa tababare u soo noqday kooxda Manchester United, kuwaasoo labo kulan oo muhiim ah xilli ciyaareedkaan ka hor imaan doona kooxaha AC Milan iyo Leicester City.
Manchester United ayaa 1-1 ka dhigtay dhigeeda AC Milan kulan ka dhacay Old Trafford 11-kii November waxayna booqan doonaan San Siro Khamiista si ay ugu soo baxaan wareega bug-baxda.
Pogba ayaan u ciyaarin United tan iyo kulankii ay barbaraha 3-3 la galeen Everton 6dii Febraayo, halka Cavani uu soo gaaray dhaawac muruqa ah kulankii ay 0-0 la galeen Crystal Palace horaantii bishaan.
Waxaa ku wehelin doona ciyaaryahanka khadka dhexe ee reer Holland Donny Van De Beek, kaasoo kursiga keydka loo magacaabay kulankii Chelsea ee 28kii Febraayo laakiin uusan u ciyaarin kooxda tan iyo 14kii Febraayo.
Cavani ayaa la filayaa inuu booska weerarka ka bedeli doono Anthony Martial, kaasoo dhaawac muruqa ah ku seegay kulankii xilli ciyaareedkii hore ee West Ham United.
Milan ayaa la filayaa inay ku soo bilaabato Zlatan Ibrahimovic, kaasoo isna seegay lugtii hore, sidoo kale kabtan Romagnoli iyo Ismael Bennacer.
