Leicester City iyo Manchester United ayaa goor dhow u tartami doona booska ugu danbeeya ee semi-finalka FA Cup marka ay ku kulmaan garoonka King Power Stadium.
Labada kooxood midkood ayaa ku biiri doona Man City, Southampton iyo Chelsea oo soo xaqiijistay booskooda wareega afar dhamaadka FA Cup oo ka dhici doona garoonka Wembley.
Labada kooxood waxaa jahwareer ku ah dhaawacyo soo wajahay iyadoo shaxda Man United uu dhaawac uga maqan yahay Marcus Rashford laakiin Anthony Martial ayaa taam u noqday inuu weerarka ku soo bilowdo halka Edinson Cavani uu kursiga keydka fadhiya.
Tababare Solskjaer ayaa ku soo bilaabay Paul Pogba oo ahaa geesiga kulankii ay garaaceen AC Milan ee Europa League laakiin wuxuu keyd dhigay Bruno Fernandes iyadoo sidoo kale khadka dhexe lagu soo bilaabay Van de Beek oo fursadihiisa ay yaraayeen.
Dhanka daafaca Alex Telles ayaa ku soo bilowday booska daafaca bidix halka Henderson uu goolka ku jiro iyadoo De Gea uu keyd fadhiya.
SHAXDA RASMIGA AH:
Leicester City: Schmeichel, Fofana, Evans, Soyuncu, Ndidi, Albrighton, Tielemans, Castagne, Perez, Iheanacho, Vardy
Man United: Henderson; Wan-Bissaka, Telles, Maguire, Lindelof, Matic, Fred, Van de Beek, Pogba, Greenwood, Martial.
Keyd: De Gea, Shaw, Tuanzebe, Williams, McTominay, Amad, Fernandes, James, Cavani
