Belgium iyo Portugal ayaa midkood ka hadhayaa tartanka Euro iyagoo ku kala bixi doona ciyaar bilaabmi doonta 10ka fiidnimo ee waqtiga Geeska Afrika.
Cristiano Ronaldo ama Lukaku iyo De Bruyne, waa kulan soo afjari doona daawashada xiddigo waaweyn oo ay taageereyaashu xiisaynayeen ciyaartooda, isla markaana loo saadaalinayo inay ku guuleysanayaan koobka.
Tababaraha xulka qaranka Belgium ee Roberto Martinez ayaa kusoo bilaabay Romelu Lukaku, Eden Hazard iyo Kevin de Bruyne, waana shaxdii ugu adkayd ee uu heli karayay, iyadoo khadka dhexena ay wada taagan yihiin Thorgan Hazard, Tielemans iyo Axel Witsel.
Difaaca ayay ku midaysan yihiin Thomas Meunier, Vertonghen, Vermaelen iyo Alderweireld, halka uu goolhaye Courtois ilaalinayo goolka.
Fernando Santos ayaa isaguna kusoo bilaabay inta badan shaxdii uu ku ciyaaray kulankii ay barbarraha wada galeen France. Diogo Jota, Cristiano Ronaldo iyo Bernardo Silva ayaa ka wada shaqaynaya afka hore, waxaana ka dambeeya oo dhexda ka taageeraya Moutinho, Renato Sanchez iyo Palhinha, halka difaacana ay wada taagan yihiin Pepe, Dias, Dalot iyo Guerreiro.
Shaxaha rasmiga ah ee Belgium vs Portugal:
PORTUGAL XI: Patricio, Dalot, Pepe, Dias, Guerreiro, Palhinha, Moutinho, Sanches, B Silva, Ronaldo, Jota.
Kaydka: R Silva, A Silva, Neves, Danilo, Fonte, Mendes, Pote, Semedo, Fernandes, Felix, Oliveira, Lopes.
BELGIUM XI: Courtois, Alderweireld, Vermaelen, Vertonghen, Meunier, Witsel, Tielemans, T Hazard, De Bruyne, E Hazard, R Lukaku.
Kaydka: Mignolet, Sels, Boyata, Carrasco, Mertens, Denayer, Dendoncker, Benteke, Batshuayi, Trossard, Doku, Praet.
