Roy Keane ayaa tilmaamay in dhamaan afarta daafac iyo goolhaye David de Gea ay dhibaato ku yihiin Old Gunnar Solskjær wuxuuna sheegay inaysan kooxda ku hogaamin doonin koobab.
- Advertisement -
De Gea, Harry Maguire, Victor Lindelof, Luke Shaw iyo Aaron Wan-Bissaka ayaa ka caawiyay Red Devils inay barbaro goolal la’aan 0-0 ah la galaan kooxda ay xafiiltamaan ee Manchester City Sabtidii.
In kasta oo Solskjaer uu ku faraxsanaa waxqabadka ciyaartoydiisa ee Old Trafford, United waxay heshay laba shuud oo keliya oo goolka ah, oo aan ahayn kuwii ay u ciyaareen si ay u guuleystaan.
Kadib isku aadka, Roy Keane ayaa dhaleeceeyay De Gea, Maguire, Lindelof, Shaw iyo Wan-Bissaka, isagoo sheegay inaysan ahayn ciyaartoy kooxda ka caawin kara hanashada Premier League.
Wuxuu u sheegay Sky Sports: “Waxaan ka hadlaynaa kalsoonida kubada cagta, afarta daafac iyo goolhayaha ayaa ah dhibaatada ugu weyn ee aniga igu haysata Manchester United.
“Waan ogahay inay shaqo fiican qabteen maanta laakiin afarta daafac ma ahan kuwa kugu hogaamin kara meesha ugu sareysa taasna waa dhibaato weyn.
“Marna ma ogaan kartid waxa aad ka heli doonto Manchester United haatan. Taasina ma ahan calaamad fiican marka aadan hubin waxa laga filan karo ciyaartoydan.
“Runtii miyaad ku kalsoon tahay ciyaartoydan inay u tartamaan horyaalka? Jawaabtu waa maya.”
