Ilkay Gundogan ayaa markale loo magacaabay laacibkii ugu fiicnaa bishii la soo dhaafay ee Premier League bishii Febraayo wuxuuna ku guulaystay abaal marintan laba bilood oo xidhiidh ah oo kala ahaa January iyo February.
Ka dib markii uu dhaliyay shan gool bishii Janaayo si uu uga caawiyo City inay dib ula soo wareegto hanashada Premier League, Jarmalka ayaa dhaliyay afar gool kale bishii Febraayo iyadoo kooxda Guardiola ay badisay dhamaan shantii kulan ee ay ciyaareen bishaas.
Waxa uu ka soo kabsaday rigoore uu seegay kulankii Liverpool ay 4-1 kaga badisay Liverpool ee ka dhacday Anfield sidoo kale waxa uu laba jeer sameeyay kulankii Tottenham waxana uu ka caawiyay Raheem Sterling kulankii Burnley.
Wuxuu sidoo kale ciyaaray kulamadii Man City ay ka badisay Arsenal iyo West Ham.
Gundogan ayaa seegay bilowgii xilli ciyaareedka markii uu helay Korona Fayras laakiin tan iyo markaas wuxuu wacdaro ka dhigay khadka dhexe.
Xiddigii hore ee Borussia Dortmund ayaa abaalmarintaan ka qaatay daafaca Fulham Joachim Andersen, kan Leicester Harvey Barnes, saaxiibkiisa City Joao Cancelo, ciyaaryahanka Manchester United Bruno Fernandes, West Ham’s Jesse Lingard, Wolves Ruben Neves iyo weeraryahanka Leeds Raphinha.
