Kooxda kubadda cagta Arsenal ayaa shaacisay magacyada sagaal ciyaartoy oo ay ka fasaxday koodeeda maalmo ka hor inta aanu furmin suuqa iibk ciyaartoyda ee xagaaga.
Arsenal oo markii ugu horreysay laga waayeyo tartamada Yurub ee Champions League iyo Europa League tan iyo 1996kii, ayaa waxay oodda ka qaadaysaa dersin ciyaartooyo ah oo dhamaantood aan iib ahayn, isla markaana ka dhaqaaqaya Emirates Stadium.
Tababare Mikel Arteta ayaa rajaynaya in kooxda uu dib u dhis loogu sameeyo laakiin waxay caqabadi ka jirtaa qasnadda madhan ee naadiga ee uu waliba saaran yahay culayska badan ee mushaharka si la mid ah kooxaha kale ee Premier League, taas oo ka timid fayraska korona oo xilli ciyaareedkii labaad ay ku dhamaysatay iyadoo garoonkeedu madhan yahay, kulamadii ugu dambeeyeyna loo ogolaaday tiro taageereyaal aan wax kasoo qaad lahayn.
War-saxaafadeed ay soo saartay ayey Arsenal ku sheegtay, in ay fasaxday oo uu si xor ah u tegay difaaca reer Brazil ee David Luiz oo labadii xilli ciyaareed ee ugu dambeeyey ka tirsanaa, kaas oo marka horena si bilaash ah ugaga soo wareegay Chelsea. Luis ayaa heshiiskiisa Emirates uu ku eg yahay June 30, 2021.
Waxa kale oo Arsenal ay war-saxaafadeedkeeda ku sheegtay, in ay macasalaamaysay Martin Odegaard iyo Dani Ceballos oo dib ugu laabanaya Real Madrid oo ay qaab amaah ah ugaga yimaaddeen.
Halkan kaga bogo liiska ciyaartoyda ay fasaxday Arsenal:
Dani CeballosDavid LuizLeonie MaierMartin OdegaardMat RyanLevi LaingJoseph OlowuLuke PlangeJason Sraha
