In lagu ciyaaro jawi aamusan ayaa hadda wax caadi ah ka noqotay kubadda cagta in ka badan mudo sanad ah sababo la xidhiidha sharciyada xanuunka Korona Fayras iyadoo ay ciyaartoy iyo kooxo gaar ahi amaba ku faa’ideen amaba ay faa’ido darro ku noqotay taageero la’aantu.
Tusaale ahaan, kulanka afar dhammaadka Champions League ee caawa dhex maraya kooxaha Actual Madrid iyo Chelsea ayaa noqon lahaa mid ay taageerayaashu ku xafladaystaan oo Santiago Bernabeu ka dhaca balse noqon doona mid aamusnaan kaga dhici doona gegida Alfredo Di Stefano.
Weeraryahanka Chelsea ee Timo Werner kaas oo heshiis 53 Milyan oo pound ah ugu soo biiray Blues xagaagii 2020 ayaa qirtay in aamusnaantu ay tahay wax isaga ka caawisa kubadda cagta.
Xiddiga heer caalami ee xulka qaranka Germany ayaa qabsaday saxaafada kubadda cagta afar sano kahor markii kooxdiisii RB Leipzig ay dhigeeda Besiktas kulan jawi cajiib ah leh kula ciyaartay gegida Vodafone Park.
Qaylada ay samaynayeen jamaahiirta kooxda Turkish-ka ah oo ah wax looga bartay ayaa dhibaato ku noqotay Timo Werner kaas oo codsaday in bathroom keeno wax uu dhagaha gashado kaddib markii uu dhawr mar dhagaha qabsaday kahor inta uusan codsan in bedel lagu sameeyo.
“Waligay jawi noocan oo kale ah ma arag noloshayda, kulanka diirada waan saari kari waayay, waxaan codsaday wax aan dhagaha gashado balse iyaguna sidoo kale ima caawin” ayuu yidhi Werner kaddib kulankaas kooxdiisa 2-0 laga soo adkaaday.
Baadhitaano caafimaad oo mar dambe lagu sameeyay Werner iyo waxa ku keenay kulankaas adkaysi la’aanta ayaa lagu sheegay inay suurogal ahayd inay sababeen dhabar xanuun iyo madax-xanuun uu keenay safarka dheer ee uu soo galay.
