Wargeyska ree France ee L’Equipe oo caan ku ah qiimaynaha kulamada waaweyn ayaa markan sameeyay qiimaynta kulankii afar dhammaadka Champions League ka tirsanaa ee xalay dhex maray kooxaha Paris Saint-Germain iyo Manchester Metropolis.
Iyadoo Kylian Mbappe uu keydka fadhiyay, diirada ayaa saarnayd Neymar oo la filayay inuu guul soo laabasho ah ku hoggaamin doono kooxdiisa laakiin taas bedelkeeda kooxda ayaa markale guuldarro la baday iyadoo xiddiga ree Brazil uusan mid wacan u muuqan.
L’Equipe ayaa Mbappe kulankii hore siiyay qiimayn aad u hoosaysay oo 3/10 ahayd, si lamid ah wargeyska ayaa Neymar xalay 3/10 ku qiimeeyay.
Wargeyska oo sharaxaya sababta ay hoos ugu dhigeem qiimaynta Neymar ayaa sheegay inuu ahaa mid liitay min bolawgii ciyaarta sidoo kalena ku canaantay inuu garsooraha kulanka si joogto ah ula murmayay.
Marka laga yimaado Neymar, xiddiga kale ee fadeexadu ka raacday kulanka ayaa ahaa Mauro Icardi oo ahaa midka ugu qiimaynta hooseeyay ciyaarta ee helay 2/10.
Xiddiga garoonka ayuu L’Equipe u doortay Riyad Mahrez oo labada gool ee lagu kala baxay dhaliyay isaga oo siiyay 8/10 waxaana soo raaca Foden, Zinchenko iyo Dias oo min 7 helay.
Qiimaynta Oo Dhammaystiran
