Khadka dhexe ee kooxda Everton ee Allan ayaa shaaca ka qaaday sababta uu gurigiisa gaar ahaan caruurtiisa yar yar uga mamnuucay maaliyada weeraryahanka kooxda juventus ee Cristiano Ronaldo.
Allan ayaa waraysi uu dhawaan bixiyay shaaca kaga qaaday in maaliyada Ronaldo ee kooxda Juventus uu caruurtiisa u diiday sababtoo ah inay cadaawad weyni kala dhaxayso kooxdii uu usoo ciyaaray ee Napoli.
Xiddiga ree Brazil ayaa inta badan waayihiisa ciyaareed kusoo qaatay dalka Talyaaniga isaga oo Udinese ku biiray sanadkii 2012 isla markaana shan sano kusoo qaatay Napoli.
Waraysi uu dhawaan siiyay wargeyska ka hawl-gala magaalada uu degen yahay ee Liverpool ee lagu magacaabo Liverpoolecho, Allan ayaa ka warramay sida uu wiilkiisu taageeraha ugu yahay Ronaldo iyo sida uu ugu diiday maaliyada ciyaaryahankaas ee midabada Juve.
Allan ayaa yidhi “(Wiilkayga Miguel) waxa uu jecel yahay kubadda cagta, isagu markasta waxa uu daawadaa kubadda cagta isagu markasta waxa uu xidhan yahay garanka Everton iyo garamaanta kooxaha aan usoo ciyaaray, isagu waa dhiirigeliyahayga ugu weyn, isaga iyo gabadhaydu (Inantaydu) marka ay guriga joogaan”
“Iyagu waxa ay taageere weyn u yihiin Cristiano Ronaldo sidaas darteed isagu waxa uu markasta haystay garan Ronaldo ah, isaga looma ogola inuu haysto garan Ronaldo oo Juventus ah sababtoo ah iyagu waxa ay xifaalyamayaal weyn ku yihiin Napoli sidaas darteed maaliyado badan oo Real Madrid no.7 ah ayaa guriga yaala”
