Arsenal ayaa guuldarro kale oo xanuun badan kala kulantay Premier League waxaana guuldarro 2-1 ah ka soo gaartay Everton oo marti u ahayd.
Tababare Mikel Arteta ayaa ciyaarta ku bilaabay shax cajiib ah, Alexandre Lacazette ayaa kaydka ka soo muuqday kabtan Pierre-Emerick Aubameyang oo gabi ahaanba maqan.
Kooxda ka dhisan Waqooyiga London ayaan weli ka hadlin sababta Aubameyang uu u maqan yahay, iyadoo da’yarka Edward Nketiah uu ku soo bilaabay booskiisa, halka Nicolas Pepe uu ka horreeyo Lacazette.
Markii la doortay Arteta, Gabriel Martinelli, oo in muda ah dhaawac ku maqnaa ayaa garoomada ku soo laabtay.
Aubameyang, oo ahaa goolkii barbaraha ee Arsenal kulankii Southampton ee isbuucii hore, ayaa laga soo xigtay inuu yiri Mikel Arteta: “Wuxuu qabaa dhaawac yar oo muruqa ah, waxaana maqnaan doonaa maalmo yar, ayay ila tahay.”
Arsenal ayaa wajihi doonta kulan kale oo adag oo Talaadada ah kooxda Manchester City kulan ka tirsan Carabao Cup, laakiin Mikel Arteta ayaan hubin in Aubameyang uu diyaar noqon doono markale.
“Ma aqaano hadii Aubameyang uu soo laaban doono, laakiin markale ayaan xukumi doonaa oo aan eegi doonaa sida uu yahay, laakiin ma ahan maanta qaab ciyaareedkiisa”. Ayuu yidhi Arteta.
Arsenal dhibaato weyn ayaa haysata mana aysan badinin 7 kulan oo isku xigta, halka kaliya ay badisay mid ka mid ah sagaalkii kulan ee ugu danbeysay.
Tababare Mikel Arteta mustaqbalkiisa shaki ayaa ku jira, inkasta oo maamulka kooxda ay ku adkeysanayaan inay weli siiyaan waqti dheeri ah.
