Taageere ree Talyaani ahaa ayaa sameeyay saadaashii ugu yaabka badnayd taariikhda kubadda cagta kulankii uu xalay xulka qaranka Talyaanigu guusha 3-0 ka ah ka gaadhay dhigiida Turkey oo marti u ahaa ciyaarta furitaanka Euro 2020.
Talyaaniga ayaa gaadhay guushii sagaalaad ee xidhiidh ah iyaga oo aan hal gool laga dhalinin halka ay sidoo kale guuldarro la’aan yihiin tan iyo September 2018.
Xulka lagu naanayso Azzuri ayaa guusha weyn ee uu ku furtay Euro 2020 goolasheeda ka kala helay Ciro Immobile, Lorenzo Insigne iyo daafaca ree Turkey ee Merih Demiral oo si qaldan iskaga dhaliyay goolka furitaanka.
Taageerahan barta Twitter-ka ku isticmaala magaca Vanejuice ayaa sameeyay saadaashiisa ciyaarta kahor kulanka balse arrinta layaabka leh ayaa ah inuu waxkasta saxay.
VaneJuice ayaa kulanka ku saadaaliyay 3-0 uu xulka Talyaanigu guusha ku gaadhi doono halka uu sidoo kale raaciyay inuu goolka koowaad iska dhalin doono Demiral labada gool ee kalena ay Immobile iyo Insigne raacsan doonaan sidii ayayna u dhacday.
Waatan saadaasha maanta sida weyn loo hadal hayo.
