Xiddiga garabka ka ciyaara ee Liverpool Mohamed Salah ayaa looga digay inuusan sabab u noqonin in Sadio Mane uu isaga tago Liverpool ka dib markii uu anaani noqday kulankii ay ka badiyeen Sheffield United isbuucaan.
Reds ayaa 2-1 ku garaacday kooxda Sheffield United laakiin waxay ku badin kareen 3-1 haddii Salah uu kubada u baasi lahaa Mane oo ay hubaal aheyd inuu goolka dhalin lahaa.
Laakiin Khabiirka BBC Sport Garth Crooks ayaa ugu baaqay Mohamed Salah inuu xusuusnaado sida ay Liverpool guulaha ku gaartay xilli ciyaareedyadii ugu danbeeyay.
Khabiirka ayaa tilmaamay in Salah uu sabab u noqon karo in Mane uu isaga tago Anfield haddii uu sii wado xasidnimada ah inuusan kubada u baasin.
Crooks ayaa u sheegay BBC Sport: “Mane kubad madax aheyd ayaa laga badbaadiyay iyadoo ku celiska uu dhaliyay Roberto Firmino taasoo ciyaarta ka dhigtay barbaro.
“Ka dib wuxuu soo dhigay karoos cajiib ah oo uu goolka guusha ku dhaliyay Diogo Jota.
“Si kastaba markii uu kubada helay Mohamed Salah iyadoo Mane uu boos fiican taagan yahay xiddiga reer Masar wuxuu doortay inuu isaga goolka raadsado isagoo birta garaacay.
“Markii uu Mane si xushmad leh uga mudaharaaday go’aanka Salah, xiddiga reer Masar wuxuu tilmaamay inay qasab ku aheyd inuu darbeeyo. Maya qasab kuma aheyn.
“Haddii uu u baasi lahaa Mane, Liverpool waxay ku badin laheyd 3-1. Salah wuxuu u baahan yahay inuu taxadar muujiyo, waxaan arkay isagoo Mane iska indhotirayo si uu gool u dhaliyo.
“Sababta ay Liverpool guulaha u gaareysay waxay aheyd wada shaqeynta seddexda afka hore.
“Miyaysan kooxdii fanka ee Beatles u burburin wax aan waxba aheyn?”
