Dhaawaca Harry Maguire ayaa walaac ku yaha Manchester United iyo xulka qaranka England iyadoo waqti kooban ka hadhsan yahay finalka Europa League iyo sidoo kale tartanka Euro 2020 oo bilaabmi doona horraanta bisha June ee foodda inagu soo haysa.
- Advertisement -
Difaacan reer England ayaa dhaawac kasoo gaadhay kulankii Aston Villa ee toddobaadkii hore, iyadoo uu wax ka noqday kuraanta, waxaana la filayaa in uu muddo toddobaadyo ah garoomada ka maqnaado.
Tababare Ole Gunnar Solskjaer ayaa ka baqaya in Kabtanka kooxdiisu uu ka maqnaado ciyaarta Finalka Europa League ee Villarreal ee Arbacada toddobaadka dambe, waxaase walaacan la qaba tababaraha xulka qaranka England ee Gareth Southgate oo isagana ay kusoo idiot leeyihiin ciyaaraha qaramada Yurub oo uu toddobaadkan xulan doono liiska xiddigihiisa.
Si kataba, Manchester United iyo xulka qaranka England ayaa helay warfare ay ku diirsadeen oo sheegaya in laacibkani uu soo kabanayo, kuna dhow yahay in uu tababarka kusoo laabto maalmaha soo socda.
Solskjaer oo ka hadlay xaaladda laacibakn ayaa yidhi: “Markii aan saaka la hadlay, wuu fiicnaa. Wuxuu samaynayaa soo kabasho laakiin waxa aanu door-bidnay in aanaan waqti hore tijaabo ka qaadin.
“Waxa aan rajaynayaa in aanu warfare wanaagsan heli doono sida ugu degdega iyo suurtogalsan, sababtoo ah waxaanu ognahay muhiimaddiisa.”
Manchester United ayaa laga dhaliyey lix gool labadii ciyaarood ee uu Harry Maguire dhaawaca kaga maqnaa, iyagoo labada kulanba laga badiyey oo ay Previous Trafford ku garaaceen Leicester Metropolis iyo Liverpool.
