Tababaraha kooxda Paris Saint-Germain ee Mauricio Pochettino ayaa shaaca ka qaaday inuu ku rajo weyn yahay in da’yarka weerarka kooxdiisa ee Kylian Mbappe uu taam buuxa u noqon doono kulanka adag ee ay Manchester Metropolis booqanayaan Salaasada.
Habeenka Salaasada ayaa habeen kale oo muhiim u ah taariikhda PSG noqon doona xilli ay doonayaan inay guul soo laabasho ah ugu gudbaan Ultimate-ka Champions League oo ay kasoo kabtaan guuldarradii 2-1 ka ahayd ee lugtii hore Parc des Princes lagu soo baday.
Mbappe oo kulankaas Metropolis kahor dhaawac kasoo laabtay ayaa markale dhaawac ka haleelay bawdada midig ciyaarta kaddib isaga oo seegay guushii ay kooxdiisu kasoo gaadhay Lens Sabtidii shalay.
Pochettino oo la hadlay wargeyska Canal+ ayaa sheegay inuu ku niyad-san yahay in Kylian uu diyaar u noqon doono ciyaarta adag ee ay Etihad Stadium kusoo ciyaarayaan toddobaadkan.
“Miyuu Mbappe halkaas joogi doonaa? waan ku niyadsamahay” ayuu ugu horreynba macalinka ree Argentina u sheegay Canal+.
“Waxaanu filaynaa inuu halkaas joogi doono. waanu eegi doonaa sida uu berri uga qaybqaato, kulanka kahor ayaanu go’aamin doonaa”
Neymar iyo Marquinhos ayaa shalay Paris ka caawiyay inay guul 2-1 ah kasoo gaadho kooxda xilli ciyaareedkan Ligue 1 usoo dalacday ee Lens laakiin 22 sano jirkaas ayaa muhiim u noqon doona dhaq-dhaqaaq kasta oo ay kooxdiisu samayso Salaasada.
