Zinedine Zidane ayaa la sheegay in uu iska casilayo Actual Madrid dhamaadka xilli ciyaareedka iyadoo 12 bilood ka hadhsan yihiin heshiiska uu kula jiro kooxdiisa.
Tababaraha reer France ayaa lagu soo warramayaa in uu go’aansaday in uu shaqadiisa ka tago kaddib sannad dhibaato badan oo uu dareemayay cadho iyo daal, ugu dambayntiina ay usii raacisay Chelsea oo ku garaacday semi-finalka Champions League.
Madaxweyne Florentino Perez iyo boodhka sare ee maamulka kooxda ayaa tixgelin weyn u haya Zidane, waxaanay aqbali doonaan go’aan kasta oo uu la yimaaddo, laakiin waxay isku dayi doonaan in ay ku qanciyaan in uu sii joogo kooxda iyagoo u damaanad qaadaya xiddigo waaweyn oo uu ugu horreeyo Kylian Mbappe oo ay lasoo saxeexan doonaan.
Qolka lebbiska kooxda ayuu ka jiraa dareen ah in Zidane kasii jeedo oo uu kaliya maalmaha kooban ee ka hadhay dhamaadka xilli ciyaareedka sii joogayo, isla markaana uu hoggaamin doono afarta kulan ee ka hadhay LaLiga.
Laakiin haddii uu Zidane si cad u shaaciyo warka tegitaankiisa ee maanta soo baxay, Actual Madrid ayaa kala dooran doota dhawr tababare oo ay midkood u xulan doonto in uu hoggaamiyo kooxda.
Halyeygii Actual Madrid ee Raul Gonzalez oo hadda ah tababaraha kooxda da’yarta ee Actual Madrid Castilla ayaa la sheegay in uu yahay dookha koowaad ee Florentino Perez uu ku fikirayo in uu noqdo beddelka Zidane.
Tababaraha xulka qaranka Germany ee Joachim Low oo ka tegaya xulkiisa kaddib Euro 2020 iyo macallinkii hore ee Juventus ee Massimiliano Allegri ayaa sidoo kale uu Florentino Perez isha ku hayaa.
