Jamie Carragher ayaa aaminsan in hadaladii Mohamed Salah ee saxaafada Spain ay ahaayeen fariin uu u dirayay kooxda Liverpool si ay ugu soo bandhigaan heshiis cusub.
Salah ayaa shaki galiyay mustaqbalkiisa kooxda wuxuuna albaabka u furay inuu u dhaqaaqo Real Madrid ama Barcelona wareysi uu dhawaan siiyay AS.
Weeraryahanka Liverpool ayaa yiri: “Waxaan u maleynayaa in Madrid iyo Barcelona ay yihiin kooxo fantastik ah.
Ma ogin waxa dhici doona mustaqbalka, laakiin xilligan waxaan diirada saarayaa ku guuleysiga Premier League iyo Champions League markale. ”
Markii la weydiiyay muddada uu sii joogi doono Anfield, xiddiga reer Masar ayaa ku jawaabay: “Waa su’aal adag, laakiin hadda waxay ku jirtaa kooxda.
“Dabcan waxaan doonayaa inaan ku jebiyo rikoorrada halkaan, inaan ku celiyo rikoor kasta oo kooxeed laakiin wax walba waxay ku jiraan gacanta kooxda.”
Laakiin Carragher ayaa wax ku qoray wargayska Daily Telegraph wuxuuna u arkaa in hadalada Salah ay yihiin fariin toos ah oo ku socota Liverpool.
Halyeeyga Liverpool ayaa qoray: “Waqtigii ay ku qaadatay inuu laacibkan ku fidiyo wararkaas suuqa kala iibsiga waa wax la yaab leh.
Inaad aragto ciyaartoydooda oo ka hadlaya kooxaha La Liga ayaa walwal gelin lahaa Liverpool shan sano ka hor. Laakiin hadda maahan.
Kuma qanacsani in Madrid iyo Barca ay awoodi karaan Salah, in ka badan 125 125m lagu qarash gareeyo ciyaaryahan 29 jir noqonaya xagaaga ma ahan heshiis fiican.
AKHRISO: Mohamed Salah oo u dabaaldegaya Ciidda Masiixiga iyo caro
