Kooxda sannadka ee Premier League (PFA team of the Year) ayaa lagu dhawaaqay, waxaana kusoo baxay lix ciyaartoy oo Man City ah, laba Man United ah, laba Tottenham ah iyo mid Liverpool ah, waxaanay taasi ka dhigan tahay inay ka maqan yihiin xiddigo waaweyn oo la filayay in ay qayb ka noqdaan.
Ederson; Cancelo, Stones, Dias, Shaw; De Bruyne, Gundogan, Fernandes; Salah, Kane iyo Son ayaa kusoo baxay kooxda sannadka ee Premier League uu shaaciyey.
Kaddib markii ay shaxdani soo baxday, waxa abuurantay dood la xidhiidha ciyaaryahannada qaarkood, sababtoo ah waxa laga tegay laacibiin badan sida N’Golo Kante iyo Mason Mount oo ahaa xiddigaha ay doodda badan ka dhalatay.
Wargeyska Daily Mirror ayaa soo xulay liiska ciyaartoyda u qalmayay inay ka mid noqdaan kooxda sannadka ee laga cidhiidhsaday.
Shaxda kooxda xiddigaha laga reebay kooxda sannadka ee PFA:
Goolka: Edouard Mendy
Difaaca: Vladimir Coufal ( West Ham ), Wesley Fofana ( Leicester City), Harry Maguire (Man Utd), Andy Robertson (Liverpool)
Dhexda- N’Golo Kante ( Chelsea ), Tomas Soucek (West Ham), Mason Mount (Chelsea)
Weerarka – Jack Grealish (Aston Villa), Patrick Bamford (Leeds), Phil Foden (Man City)
