Horyaalka waddanka Ingiriiska ayaa lasoo gunaanadayaa maanta, waxaana kala bixi doona saddexda kooxood ee Chelsea, Liverpool iyo Leicester City oo ku dagaallamaya kaalmaha saddexaad iyo afraad, kuwaas oo ay iyaguna soo raaci karayaan naadiyada ku dhamaysanaya kaalmaha shanaad iyo lixaad illaa toddobaad ee kasoo muuqanaya tartamada Europa League iyo midka cusub ee hadda la sameeyey ee kasii hooseeya Europa Conference League.
Chelsea oo kaalinta saddexaad fadhida ayaa waxay la ballansan tahay, Aston Villa oo ay ugu tegayso Villa Park, Liverpool oo afraad fadhida ayaa garoonkeeda Anfield kusoo dhoweyn doonta Crystal Palace halka Leicester City ay qaabbilayso Tottenham.
Saddexdan kooxoodba waxay mid walba u baahan tahay in ay guuleysato haddii kale waxay ka maqnaan kartaa tartanka Champions League ee xilli ciyaareedkan, laakiin labada kooxood ee Chelsea iyo Liverpool ayaa soo bixi kara xataa haddii laga badiyo laakiin ay tahay in sidooda oo kale la garaaco Leicester City, taas oo iyadu badis kaliya wax ku leh, ahna kooxda ugu rajada xun marka la eego kaalinta ay ku jiraan iyo in ay koox adag la ciyaarayaan.
Shaxaha macquulka ah ee ay saddexdan kooxood lasoo shirtegi karaan:
Liverpool XI: Alisson; Alexander-Arnold, Phillips, R. Williams, Robertson; Thiago, Fabinho, Wijnaldum; Salah, Firmino, Mane
Chelsea XI: Mendy; Rudiger, Silva, Azpilicueta; Alonso, Jorginho, Kovacic, James; Mount, Werner, Pulisic
Leicester City XI: Schmeichel; Castagne, Fofana, Soyuncu; Pereira, Ndidi, Tielemans, Thomas; Maddison; Iheanacho, Vardy.
Kulamada ayaa bilaabmi doona 6pm – Saacadda Geeska Afrika
