Kooxda kubadda cagta Actual Madrid ayaa dhamaystirtay heshiiska xiddig weyn oo ay in muddo ah ku raad-joogtay kaas oo ugu dambayntii ka ciyaari doona Santiago Bernabeu xilli ciyaareedka dambe.
Actual Madrid ayaa isbeddello badan laga filayaa xagaagan, waxaana iman doona ciyaartooyo midkii ugu horreeyey ay gacanta ku dhigeen iyo kuwo badan oo kale oo la filayo inay ka tagaan.
Los Blancos oo Sabtida uu sugayo dagaalkii ugu weynaa xilli ciyaareedkan oo ah in ay ka guuleysato Villarreal iyo sidoo kale inay ku ducaysato in laga badiyo amaba la barbarreeyo Atletico Madrid, si ay u qaadi karto horyaalka Spain ee LaLiga, waxay jamaahiirta kaga sii farxinaysaa dhamaystirka heshiiska mid ka mid ah ciyaartoyda ugu wanaagsan booskiisa, kaas oo ay waliba si bilaash ah kula soo wareegayso.
Difaaca reer Austria ee David Alaba ayaa heshiis la gaadhay Actual Madrid, waxaana la dhamaystiray wax kasta, sida uu sheegay wariyaha looga dambeeyo wararka suuqa ee Fabrizio Romano.
Wariyaha ayaa sheegay in wax walba oo ku saabsan heshiiska Alaba ugu soo wareegayo Actual Madrid la dhameeyey, laakiin labada dhinac ay go’aansadeen in aan la shaacinin heshiiska inta ay horyaalladu soo dhamaanayaan toddobaadka dambe.
Laacibkan oo uu ka dhamaaday heshiiskiisii Bayern Munich oo uu waliba iska diiday in uu qandaraas cusub u saxeexo, waxay Actual Madrid kula soo wareegaysaa heshiis xor ah.
28 jirkan oo ka ciyaara boosas badan oo difaaca ah iyo xataa khadka dhexe ayaa imaatinkiisu uu wax badan kusoo kordhin doonaa Actual Madrid oo la sheegayo inay ka tegayaan Sergio Ramos iyo Raphael Varane.
Actual Madrid ayaa Alaba waxay kaga guuleysatay kooxaha Chelsea, Manchester Metropolis, PSG iyo sidoo kale Barcelona oo dhamaantood doonayay.
David Alaba oo kasoo baxay kulliyadda da’yarta Bayern Munich ayaa waxa uu kooxdaas kula guuleystay 10 horyaal oo Bundesliga ah, lix German Cup iyo laba jeer oo Champions League ah muddo 13 sannadood ah oo uu shaadhka kooxdaas xidhnaa.
