Weeraryahanka Tottenham ee Harry Kane ayaa wakiiladiisa si cad ugu sheegay inuu jeclaan kahaa inuu tababarihiisii hore ee Mauricio Pochettino kula midoobo Paris St-Germain. (90min)
PSG ayaa soo cusboonaysiisay isku dayada ay ku doonayso saxeexa Paul Pogba oo Man United ka tirsan. (Le Parisien – in French)
Arsenal ayaa dalab kale ka gudbin doonta khadka dhexe ee Lyon ee Aouar iyaga oo heshiis uu toddobaadkii 100,000 oo pound ku qaadanayo. (Sun)
Sergio Ramos ayaa bar-tilmaameed u ah Man United, PSG iyo Sevilla kaddib markii uu ka tagay Real Madrid (90min)
Daafaca Arsenal ee Kieran Tierney ayaa ogolaaday inuu heshiis cusub oo shan sano ah u saxeexo Arsenal isaga oo qalinka ku duugaya maalmaha soo socda. (Football.London)
Real Madrid daafaceeda Raphael Varane ayaan wali go’aansan mustaqbalkiisa walow lala xidhiidhinayo PSG, Chelsea iyo Man United. (Goal)
Manchester United ayaa ka qalbi jabtay saxeexa daafacyada Raphael Varane iyo Kieran Trippier kaddib lacagta badan ee ay ku dalbadeen kooxahooda Real Madrid iyo Atletico Madrid. (ESPN)
Khadka dhexe ee Talyaaniga ah ee Manuel Locatelli oo lala xidhiidhinayay inuu Sassuolo ka tagayo ayaa iska indho tiray wararka mustaqbalkiisa la xidhiidha isaga oo diirada saaraya Euro 2020. (Goal)
Chelsea ayaa Arsenal kula biirtay tartanka loogu jiro saxeexa 21 sano jirka weeraryahanka ah ee Real Sociedad ee Alexander Isak. (AS, via Express)
Wakiilka Jorginho ayaa sheegay inuu xiddigiisu xiiso ka helay kooxo badan oo Yurub ah balse uusan 29 sano jirkaasi ka tagayn Chelsea. (Radio Marte, via Mail)
Juventus 30 sano jirkeeda Aaron Ramsey ayay macquul tahay inuu ku laabto Arsenal, kooxdaas oo ku fashilan inay soo jiidato xiddigaha hibada fiican leh ayaa ku jeedsan karta dhinaca xiddigeedii hore. (Eurosport)
Liverpool ayaa xiisaynaysa saxeexa garabka weerar ee xulka Talyaaniga iyo kooxda Sassuolo ee Domenico Berardi oo 26 sano jir ah. (Gazzetta dello Sport, via Express)
Ilaa siddeed tababare ayaa lala xidhiidhinayaa shaqada Everton balse Rafa Benitez iyo Nuno Espirito Santo ayaa ah kuwa ugu cad cad (Sky Sports)
Da’yarka khadkadhexe ee Arsenal ee Mateo Guendouzi ayaa heshiiska shaqsiga ah la gaadhay Marseille waxaana ay hadda kooxda kala xaajoonayaan qiimaha ay ku iibsanayaan. (Fabrizio Romano via Sun)
Arsenal ayaa diyaar u ah inay 250 Milyan oo pound ilaa shan saxeex ku bixiso suuqa xagaaga iyagoo ka caawinaya Mikel Arteta inuu kooxda dib u dhiso. (90min)
