Xiddigihii hore ee kooxaha Manchester United iyo Chelsea ee Rio Ferdinand iyo Joe Cole ayaa amaan kala dul dhacay weeraryahanka kooxda Actual Madrid ee Karim Benzema kaas oo sabab u noqday in kooxdiisu ay bar-bardhac xalay ka heshay Chelsea oo marti u ahayd.
Goolkii uu sida cajiibka ah u dhammaystiray Karim daqiiqadii 29-aad ayaa noqday mid kansala goolkii furitaanka ee uu Pulisic hoggaanka ugu dhiibay Blues.
Goolkaas ayaa ka dhignaa inuu ahaa midkii 71-aad ee uu Karim Benzema kasoo dhaliyo Champions League isaga oo tiro la wadaaga Raul Gonzalez oo ay hadda wada yihiin xiddiga afraad ee abid ugu goolasha badan tartankaas.
Rio Ferdinand oo BT Sport ka hadlayay kulanka kaddib ayaa Karim ku sifeeyay weeraryahan dhammaystiran isaga oo si dadban u sheegay in kala duwanaanshaha Blues iyo Los Blancos ee xalay uu ahaa weerarka isla markaana haddii xiddiga French-ka ahi uu u ciyaarayo Blues ay guul gaadhi lahaayeen.
“Haddii uu isagu kooxda Chelsea ku jiro maanta method guuleysan lahaayeen maanta iyo kulanka Stamford Bridge labadaba, waa weeraryahan dhammaystiran” ayuu yidhi Rio.’
Joe Cole ayaa isaguna ku daray “Isagu (Benzema) waxa uu noqday hoggaamiye, isagu waxa uu ahaa midka ifayay 30-kii daqiiqo ee ugu horreeyay ee kulanka, kulanku iyaga wuu kasii jeeday”
33 sano jirkaas ayaa ahaa mid Actual Madrid ka tirsan tan iyo 2009 isaga oo kula soo guuleystay afar jeer Champions League taas oo caddayn u ah khibrada balaadhan ee uu u leeyahay tartanka.
