Daafaca Nicolai Geertsen ayaa tartanka Danish Cup haatanba kasii dhaliyay mid kamida goolasha la filayo inay ku tartami doonaan abaalmarinta goolka sanadka ee Puskas Award xilli ay kooxdiisa Lyngby kahor tagaysay dhigeeda SBI.
Nicolai Geertsen ayaa marka hore kubadda oo koorne lasoo tuuray ahayd qaab maqas (Dhabal) ah u darbaynaya balse isku daygiisaas quruxda badan ayaa birta goolka kasoo noqonaya.
Markale Geertsen ayaa isaga oo dhulka yaala sameeyay dhaq-dhaqaaqa uu ku wajahayay kubadda birta kasoo booday oo isaga kusoo noqotay waxaana uu ku celiyay laaga sarre ee loo yaqaano Volley-da isagoo shabaqa dhex dhigay.
Goolkaas ayaa ka caawiyay kooxdiisa Lyngby inay hoggaan 9-0 ah ka qabtaan kooxda darajo ahaan ka hooseysa ee SBI oo ay Danish Cup ku kulmeen.
Nicolai Geertsen ayaa bartiisa Twitter-ka soo dhigay goolka waxaana ay jamaahiir badani baraha bulshada ku muujiyeen sida ay ula dhacsan yihiin nooca goolkaas cajiibka ah.
Halkan Ka Daawo Muuqaalka Goolka
Has there been a better goal this year?
This strike from Nicolai Geertsen in Denmark is incredible ? pic.twitter.com/A9RmDefLMs
— BBC Sport (@BBCSport) November 12, 2020
