Tababaraha xulka qaranka England ee Gareth Southgate ayaa ka jawaabay su’aasha xiisaha badan ee ah ciyaaryahanka aan English-ka ahayn ee uu jeclaan lahaa inuu ku haysto kuna darsado xulka uu masuulka ka yahay.
Southgate ayaa ciyaaryahankaasi u doortay mashiinka khadka dhexe ee kooxda Manchester City ee Kevin De Bruyne isaga oo ku sifeeyay mid wanaagsan.
Southgate ayaa ku faa’iday horumarka ay Man City samaysay xilli ciyaareedkan isaga oo dib ugu wacay daafaca dhexe ee John Stones kaas oo si cajiib ah waayihiisa ciyaareed dib ugu soo nooleeyay.
Southgate oo afar ciyaaryahan uga wacday Man City liiskii xulka England ee shalay soo baxay ayaa jeclaan lahaa inuu De Bruyne kaga dhigo midka lixaad walow uu jeclaan lahaa inuu Phil Foden u buuxin karo kaalintaas.
Gareth ayuu su’aashaasi weydiiyay da’yarka Olly Miller oo ah taageere City ah isla markaana kusoo guuleystay abaalmarinaha FA-ga iyo McDonald’s Grassroots.
Markii la weydiiyay xiddiga aan English-ka ahayn ee uu jeclaan lahaa inuu England uga wacdo ayuu Gareth ku jawaabay “Oooh, taasi waa su’aal wanaagsan, ciyaaryahankaaga khadka dhexe maaha mid xun, miyuu yahay? De Bruyne”
