Mustaqbalka kabtanka Portugal Cristiano Ronaldo ee kooxdiisa Juventus ayaa shaki weyn ku yimid kadib markii ay kooxda ku dhibtootay iney usoo baxdo koobka horyaallada Yurub ee xagaaga dambe, waxaana wali kala caddeyn sida uu waayahiisa magaalada Turin kusii wadan karo.
Iyadoo ay taasi jirto ayey hadana warar kala duwan kasoo baxayaan mustaqbalkiisa, marka laga tago in gacalisadiisa ay qof taageere ah ugu jawaabtay “Wuu joogayaa” oo kama tagayo Juventus, hadana halyeeygii hore xulka qaranka talyaaniga Christian Vieri ayaa ka dhawaajiyay in Jose Mourinho uu doonayo inuu xiddigaas kusoo kordhiyo As Roma.
“Jose Mourinho wuxuu doonayaa inuu Ronaldo keeno As Roma” ayuu Vieri u sheegay Bobo TV
Antonio Cassano oo barnaamijka uu qabtay TV-ga Bobo qeyb ka ahaa ayaa si xoogan u diiday, wuxuuna soo hadal qaaday xiriir xumada labadaan shaqsi ku dhexmartay Real Madrid, taasoo uu u cuskaday ineysan macquul aheyn iney mar kale wada shaqeeyaan.
“Ronaldo ayaa aadayaa Roma? waa war aan macno laheyn” ayuu yiri Cassano.
“Mourinho iyo Ronaldo iskuma wacneen wakhtigoodii Real Madrid, sideed ugu fakareysaa inuu Roma kula midoobay?” ayuu mar kale yiri Cassanio, isagoo doodda sii wata wuxuu mar kale yiri:
“Ma garan kado hadii ay taas suuragalin karto iney hal wakiil leeyahiin (Jorge Mendes), balse sidey macquul ku tahay inaan ugu fakaro inuu Ronaldo aadayo Roma?
Cristiano Ronaldo ayaan wali go’aan ka gaarin mustaqbalkiisa, waxaa gabi ahaan la beeniyay ku laabashadiisa Sporting Lisbon, balse waxaa macquul ah in soo laabashada Max Allegri ee Juventus ay sababto inuu kusii nagaado kooxda, maadaama ay sidoo kale tartanka yurub kasoo qeybgali doonaan fasalka soo aadan.
