Markii Andrea Patanga uu sameeyay guushii Napoli kulankii shalay ee Sampdoria, wuxuu ku orday tababarihiisa Gennaro Gattuso sababtoo ah waxay umuuqatay in ciyaartooyda ay muujiyeen jacaylka ay u qabaan tababarahooda.
Hase yeeshee, Gattuso ma hubo inay ciyaartoydiisu isaga jecel yihiin.
“Mararka qaar way i jecelyihiin, laakiin waxaan sharad ku galay inay mararka qaar sawirkeyga qaadaan subaxa oo ay wejiga iiga tufaan,” Gattuso ayaa yiri kadib guushii 2-1.
Wuxuu intaas ku daray: “Laakiin waa qayb ka mid ah shaqadayda.”
Gattuso oo lagu xasuusto inuu ahaa qadka dhexe ee xamaasada badan garoonka dhexdiisa ayaa dib u soo nooleeyay kooxda Napoli sanadkaan isagoo badalay qaab ciyaareedkii Carlo Ancelotti.
Waqtiga ay tababarayaashu ka fogaanayaan waxyaabaha muranka dhaliyay si uusan u luminin xakameynta qolka labiska, Gattuso waxaa lagu yaqaan inuu si daacad ah ula hadlo ciyaartoydiisa.
“Waxay u baahan yihiin inay ogaadaan inaan ahay nin da ‘weyn,” ayuu yiri. Waxaan jecelahay inaan wax u sheego sida ay yihiin, mana ihi qof ka adag.
“Been uma sheegayo ciyaartoydeyda, fikirradayda ma qarsoona, runta ayaan sheegayaa.” Ayuu yidhi.
“Fabian Ruiz maanta wuu niyad jabay, waxaan ku iri kubada cagta waa inaad madaxaaga kor u taagtaa markasta, waxaan ciyaarnaa seddexdii maalmoodba mar sidaas darteed wuxuu heystaa fursad uu naftiisa ku furto.”
