Kooxda ka ciyaarta Bundesliga ayaa ku dhawaaqday in Lucien Favre laga ceyriyay shaqada tababaranimo ee kooxda Borussia Dortmund.
Dortmund ayaa la kulantay guuldaro 5-1 ah oo ka soo gaartay Stuttgart sabtidii.
Natiijo ahaan, tababaraha Switzerland ayaa laga ceyriyay Dortmund isagoo ku jira kaalinta shanaad ee Bundesliga, isagoo shan dhibcood ka hooseeya hogaamiyaha horyaalka Bayern Munich.
Bild iyo saxafiga caanka ah ee Fabrizio Romano ayaa markii ugu horeysay kahadlay wararka ku saabsan xil ka qaadista Lucien Favre.
Waxaa lagu badali doonaa ku xigeenkiisii hore ee West Brom Slaven Bilic, kaasoo sii hayn doona kooxda ilaa dhamaadka xilli ciyaareedkaan.
Favre ayaa ka tagay Dortmund labo sano iyo bar oo uu joogay kooxda waxaana uu ku guuleystay 62 boqolkiiba tartamadii uu guuleystay, waxaana ay ka baxeen Champions League 16 sano.
Lucien #Favre ma ahan tababaraha ugu fiican Borussia Dortmund. Tilmaamaha macluumaadka ee ka socda #BVB waa inay ahaadaan 1: 5-Heimniedlage bei #BVBVFB si aad u qaas ah, Favre iyo Iskuduwaha Tababaraha Manfred #Stefes iyagoo ku faraxsan Wirkung freizustellen.
– Borussia Dortmund (@BVB) 13 Diseembar 2020
Bayaan ka soo baxay Borussia Dortmund oo ay soo dhigtay barteeda Twitter-ka ayaa u qornaa sidan.
“Lucien Favre mar dambe ma sii ahaan doono tababaraha Borussia Dortmund. Kadib guuldaradeenii 5-1, go’aan qaadayaashii BVB waxay isku raaceen in sida ugu dhaqsaha badan shaqada looga eryo Favre iyo ku xigeenkiisa Manfred Stefes.”
