Weeraryahanka Watford Troy Deeney ayaa sheegay in Arsenal ay wali tahay koox daciif ah isla markaana ay ku dhibtoon doonaan inay ka badbaadaan wareega 16ka hadii ay guuldarro ka soo gaarto Burnley axada.
Kooxda Mikel Arteta ayaa haatan ku jirta kaalinta 15aad ee kala horeynta horyaalka Premier League, kaliya 7 dhibcood ayey u jirtaa booska loogu laabto heerka labaad, laakiin farqiga ayaa noqon doona afar dhibcood haddii Burnley ay badiso kaalinta 18aad Axada.
Deeney, oo ku eedeeyay kooxda Arsene Wenger inaysan lahayn xiniinyo sanadkii 2017, ayaa haatan ku eedeeyay Gunners inaysan haysan kalsooni ay ku guuleysan karaan.
32 jirkaan ayaa u sheegay The Sun: “Arsenal weli waa koox daciif ah, ma ahan xoog lagu xisaabtami karo laakiin waa koox marwalba fursad kuu siinaysa inaad guuleysato.
“Burnley waxay rumeysan tahay inay ku guuleysan karaan Emirates berri. Waxay isku dayi doonaan inay ka faa’iideystaan daciifnimada Gunners, gaar ahaan koornooyinka iyo laadadka xorta ah, waxay sidoo kale isku dayi doonaan inay garaacaan kubadaha soo laabashada ah.
“Haddii laga badiyo, waxay la dagaallami doonaan heerka Arsenal looga badbaado ee halista kale ee Arteta.
“Waxaan u maleynayaa in Arteta uu wax fiican kusoo kordhiyay Arsenal laakiin ma waayi doontid waana lagaarsiin doonaa mana ka filan kartid inay samraan.
“Arteta wuxuu ku fiican yahay Burnley, hadii ay Arsenal guuleysato, waxay ku laaban karaan 10-ka sare hadii ay guuldareystaan wax walba way kala daadan doonaan”.
