Muqdisho (Axadle) – Madaxweynihii hore ee Soomaaliya Xasan Sheekh Maxamuud ayaa ugu yeeray ra’iisul wasaaraha DKMG ah Maxamed Xuseen Rooble inuu taageero doorashada xorta ah ee ka dhacda dalka.
Xasan Sheekh wuxuu sheegay inuu ku qanacsan yahay dadaalka uu wado Rooble ee lagu xallinayo dhibaatada amni ee ka jirta Caasimadda Muqdisho iyo sida uu ugu guuleystay daneeyayaasha siyaasadda dalka.
“Waxaan ku amaanayaa dadaalka Ra’iisul Wasaaraha ee ku aadan xalinta mashaakilka ka dhashay muddo kordhinta sharci darrada ah, waana soo dhaweynayaa shirkii uu isugu yeeray 20-kii bishan” ayuu ku yiri hadal kooban oo uu maanta soo saaray
Wuxuu ugu baaqay dhamaan shacabka Soomaaliyeed iyo beesha caalamka in ra’iisul wasaaraha fursad la siiyo si ay u taageeraan dadaalkiisa ku aadan joojinta qalalaasaha siyaasadeed iyo mid amni ee ka dhashay muddo kordhinta sharci darrada ah iyo inqilaabka.
“Waxaan ka codsanayaa dhamaan bulshada qeybaheeda kala duwan inay ku taageeraan Ra’iisul Wasaare Rooble howlaha doorashooyinka xorta iyo xalaasha ah ee ka socda dalkeena,” ayuu raaciyay
Xasan Sheekh wuxuu muujiyey kalsoonida uu ku qabo go’aanka raiisul wasaare Robles wuxuuna meesha ka saaray shakigii ka yimid midowga musharixiinta iyo golaha badbaadada qaranka.
Raiisel wasaare maxamed xuseen rooble ayaa tan iyo marki lasiiyay awooda uu kuqaban karo doorashada iyo amnigiisa waxuuna wadaa dadaalo uu ku qancinayo daneeyayaasha siyaasada iyo hogaamiyaasha gobolada in ay kaqeybqaataan xalinta qilaafka kala dhaxeeya dowlada haatana uu haysto ogolaanshaha dhamaan hogaamiyaasha. Dowladaha iyo ururada musharixiinta.
