Hogaamiyaha Gobaladda Waqooyi Muuse Biixi Cabdi, khudbad-sannadeedkiisii dastuuriga ahaa ee uu maanta ka hor jeediyey baarlamaanka, wuxuu kaga hadlay arrimo kala duwan oo ay ka mid yihiin amniga, miisaaniyadda, musuqmaasuqa siyaasadda guud iyo doorashooyinka Gobaladda Waqooyi.
Isaga oo ka hadlaya amniga, Muuse Biixi wuxuu sheegay in 51% miisaaniyadda Gobaladda Waqooyi lagu bixiyo amniga iyo nabadgelyada, halka 48% loogu talagalay dhammaan baahiyaha kale.
Sidoo kale wuxuu sheegay in 993 musharax ay ka qeyb gali doonaan doorashada Gobaladda Waqooyi, isagoo sabab uga dhigay musuq maasuq iyo in dacwad lagu soo oogay 31 masuul.
Hogaamiyaha Gobaladda Waqooyi Muuse Biixi Cabdi ayaa ku tilmaamay dadka reer Muqdisho inay yihiin la heystayaal, isagoo tilmaamay in kuwa awooda haya ay qaadayaan talaabooyin cadaawadeed oo ay ku kala qeybinayaan dadka
“Dadka Muqdisho waa la afduubtay, kuwa xukunka hayaana waxay qaadayaan talaabooyin cadowtinimo ah oo dadka kala fogeynaya, maanta Muqdisho waxaa ka dhammaaday waqtigii dowladdii hore mana jirin dowlad cusub oo la doortay, sidoo kalena sharciga lama kordhin.Ayuu yidhi Hogaamiye Muuse Biixi.
Wuxuu sheegay in sharciga lagu adkeyn doono saraakiisha Gobaladda Waqooyi ee ka tirsan dowladda Soomaaliya, kadib markii ay raali geliyeen.
